1 Joani 1
1
Litumeliso
1 #
Joa 1.1
Lu mi ñolela bakeñisa hae,
yena Linzwi la bupilo,
ya n'a li teñi kwa makalelo a lifasi.
Lu mu utwile.
Lu mu boni ka meto a luna.
Eeni, lu mu boni,
mi lu mu sweli ka mazoho a luna.
2 #
Joa 1.14
Bupilo bo ha bu taha,
lu bu boni.
Kiha lu bulela ka bona
ni ku mi zibisa ka za bona bupilo
bo bu sa feli,
bo bu ne bu li ku
Ndate ni bo lu sinulezwi.
3Se lu utwile,
ki sona se lu mi bulelela
kuli ni mina mu kopane ni luna
mwa kopano ya luna ni Ndate,
mi ni Mwan'a hae Jesu Kreste.
4Lu ñola ze
ili ku taleleza tabo ya luna.
Mulimu ki liseli
5Cwale litaba ze lu utwile ku Jesu Kreste, ni ze lu mi taluseza, ki ze. Mulimu ki liseli, mi ku yena ha ku na lififi ni hanyinyani. 6Cwale haiba lu bulela kuli lu na ni kopano ni yena, mi nihakulicwalo lu sa pila mwa lififi, fohe lu bulela buhata ka manzwi a luna ni ka likezo za luna. 7Kono ha lu pila mwa liseli, sina yena h'a li mwa liseli, fohe lu na ni kopano homoho, mi mali a Jesu, Mwan'a hae, a tapisa libi za luna kaufela.
8Ha lu bulela kuli ha lu na sibi, lwa ipuma ili luna, mi ha lu na niti. 9Kono ha lu ipulela libi za luna ku Mulimu, lwa kona ku mu sepa kakuli yena u lukile, u ta lu swalela libi za luna, mi u ta lu kenisa mwa bumaswe bo lu eza kaufela. 10Ha lu li ha lu si ka eza sibi, lu eza Mulimu lihata, mi linzwi la hae ha li yo ku luna.
Currently Selected:
1 Joani 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
