Salmo 67
67
SALMO 67
Laga tur pueblo alabá Dios pa su bendishonnan abundante
Pa maestro di kanto. Ku kompañamentu di instrumèntnan di kuèrdè. Salmo. Kantika.
1Mare Dios tene piedat di nos i bendishoná nos,
E mustra nos sonrisa di su kara,
2pa na mundu tur hende konosé bo boluntat,
den tur nashon e salbashon ku Bo a trese.
3Mare pueblonan, o Dios, por alabá Bo,
tur pueblo alabá Bo!
4Mare tur pueblo por sinti nan kontentu,
ohalá nan por kanta di alegria,
pasobra lo Bo husga nashonnan ku hustisia,
Bo ta guia tur pueblo riba mundu.
5Mare pueblonan, o Dios, por alabá Bo,
tur pueblo alabá Bo!
6Tera a duna su kosecha:
Dios, nos Dios, ker a duna bendishon.
7Sí, Dios manda bendishon pa nos;
laga tur skina di mundu respet'É!
Currently Selected:
Salmo 67: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
