Salmo 19
19
SALMO 19
Kreashon i Lei ta proklamá Dios su grandesa
Pa maestro di kanto. Salmo di David.
I
1Shelu ta kanta Dios su mahestat,
firmamentu ta konta di obra di su man.
2Kada dia ta anunsi'é na e dia siguiente,
kada anochi ta splik'é na esun ku ta sigui.
3Sin papiamentu, sin usa ningun bos,
sin zonido pa oreanan tende,
4nan yamada#19:4 yamada: segun vershonnan antiguo; hebreo tin: liña ta kore pasa tera henter,
nan mensahe ta yega te den skinanan di mundu.#Romanonan 10:18
El a lanta un tènt pa solo den shelu:
5at'é, un novio, saliendo fo'i su kuartu nupsial,
un atleta, yen di brio pa kore su kareda.
6Solo ta sali na un punta di shelu,
kaba ta dal su buèlta te na e otro:
nada no por skapa su kalor.
II
7Lei di SEÑOR ta perfekto,
ta duna alma alivio;
testimonio di SEÑOR ta fiel,
ta hasi bobonan sabí.#Salmo 119
8SEÑOR su preseptonan ta rekto,
ta alegrá nos kurason;
SEÑOR su mandamentu ta kla,
lus pa nos wowo.
9Rèspèt pa SEÑOR ta puru,
ta dura pa semper;
SEÑOR su òrdunan ta drechi,
nan ta hustu, un pa un.
10Nan ta mas deseabel ku oro,
un monton di oro puru;
nan ta mas dushi ku miel
fo'i kas di abeha.#Salmo 119:103,127; Sirag 24:20
11Bo sirbidó ta laga nan spièrt'é;
obedesé nan, sí, ta paga!
12Ken ta ripará su propio fayonan?
Pordoná mi pikánan skondí.
13Protegé bo sirbidó kontra orguyo,
no laga esei dominá mi.
Anto lo mi ta perfekto i limpi
di tur piká grandi.
14Mare palabranan for di mi boka
i e pensamentunan di mi kurason
por ta agradabel na Bo,
SEÑOR, mi Baranka i Salbador!
Currently Selected:
Salmo 19: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
