Salmo 137
137
SALMO 137
Leu fo'i kas
1Kantu di riunan di Bábel
nos tabata sinta ta yora#Ezekiel 3:15
kada be ku nos a kòrda Sion.
2Den pal'i mangel ku tin aya banda
nos a kologá nos arpanan.
3Aya esnan ku a hiba nos prezu
a pidi nos kanta pa nan;
nos opresornan ker a tende algu alegre.
‘Kanta pa nos,’ nan a bisa,
‘un di e kansionnan di Sion!’
4Ma kon nunka nos por a kanta
un di SEÑOR su kantikanan
den un tera kompletamente straño!
5Herusalèm, si mi lubidá bo,
mihó mi man drechi bira lam.
6Mi lenga por pega den mi boka,
si mi no kòrda riba bo,
si mi no preferá Herusalèm
riba tur mi otro plasernan!
7Kòrda, SEÑOR, ki' edomitanan a hasi
dia Herusalèm a kai,
kon nan a grita: ‘Tumb'é, tumb'é,
bash'é abou te na su fundeshi!’#Abdías 10-15
8O Bábel, pronto un ruina,
un bendishon pa esun ku lo paga bo
loke bo a hasi ku nos!#Yeremías 50:29; Revelashon 18:6
9Felis esun ku ta kohe bo yuchinan
dal nan plèchè kontra baranka!
Currently Selected:
Salmo 137: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
