Proverbionan 21
21
1Meskos ku hende ta guia awa manda via kanal,
lag'é kore kaminda hende ke p'e bai,
asina SEÑOR ta guia pensamentu di rei.
2Segun hende tur loke e hasi, ta bon,
pero ta SEÑOR ta husga intenshonnan.#Proverbionan 16:2
3Hasi loke ta bon i loke ta hustu,
SEÑOR ta preferá mas ku sakrifisio.#1 Samuel 15:22; Amos 5:22-24; Hoséas 6:6; Mateo 9:13; 12:7
4Mirada di menospresio i kurason orguyoso
— un aktitut asina — ta piká.
5Plan bon pensá ta duna bon resultado;
pero sòpi purá ta sali salu.
6Es ku bira riku dor di engaño, ta kore tras di bientu;
un bida asina ta bo morto.
7Violensia di esnan ku no tin Dios, lo lastra nan bai kuné,
pasobra nan a nenga di hasi loke ta bon.
8Komportashon di esnan ku ta hasi maldat ta inkonfiabel,
akshon di hende honrado ta limpi.
9Mihó biba na punta di un dak,
ku den henter un kas, ku un muhé ku ta buska kestion.#Proverbionan 25:24; Sirag 25:16
10E úniko kos ku un mal hende ke, ta hasi maldat;
e n' ta spar ni su amigu.
11Ora kastigá un chèrchadó, esun sin eksperensia ta haña sabiduria,
ora instruí un hende sabí, esaki ta haña konosementu.#Proverbionan 19:25
12E Dios hustu ta opservá kas di hende ku ta hasi maldat,
i hiba nan na nan destrukshon.
13Es ku sera orea pa yamada di hende pober,
lo no haña oido ora e mes grita pidi yudansa.
14Regalo duná den sekreto ta plakia rabia,
i plaka di soborno skondí den yas ta kalma e ira di mas pisá.
15Ora hustisia ta reina, ta legria pa hende hustu,
pero t'un kos hororoso pa esun ku ta hasi maldat.
16Hende ku desviá di e kaminda ku ta duna komprenshon,
lo sosegá den kompania di morto.
17Hende ku gusta plaser lo bira pober;
es ku gusta paranda lo no bira riku nunka.
18Hende falsu i esnan ku ta hasi maldat
lo sufri na lugá di hende hustu i honesto.
19Mihó bo biba bo so den un desierto,
ku bo biba ku un muhé ku beis i ku ta buska pleitu.
20Ta den kas di hende sabí so bo ta haña plaka i zeta kostoso,
hende bobo lo kaba semper tur kos ku e tin.
21Es ku kore tras di hustisia i amor,
lo haña bida berdadero, hustisia i honor.
22Un hende sabí ta ataká un siudat bon defendé,
i kaba ku e forsa ku nan a konfia riba dje.
23Es ku sa ki ora e papia,
n' ta hañ'é den problema.
24Nòmber di es ku ta orguyoso i sinbèrgwensa ta ‘chèrchadó’
e tin mashá idea.
25Deseo di un hende floho ta su morto,
pasobra e ta nenga di pone man na obra.
26E ta bisa: ‘Duna mi, duna mi no! Mi ke mas!’
Pero un hende hustu tin semper pa duna.
27Sakrifisio di mal hende ta detestabel,#Proverbionan 15:8
kuantu mas ainda ora nan ofres'é ku mal intenshon.
28Lo kaba ku testigu falsu;
pero es ku sa skucha, semper lo por duna testimonio.
29Mal hende ta traha kara inosente,
hende hustu ta traha riba su komportashon.
30Sabiduria humano, komprenshon i bon konseho,
ta kai pèrdè ora un hende dirigí su mes na Dios.
31Bo por prepará kabai pa bai guera,
pero viktoria ta dependé di Dios.#Salmo 20:7
Currently Selected:
Proverbionan 21: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Free Reading Plans and Devotionals related to Proverbionan 21
31 Days of Wisdom
30 Day Challenge: A Walk Through Proverbs
Read Through Proverbs
