1 Korintionan 10

No adorá dios falsu

1Mi rumannan, mi no ke pa boso lubidá loke a sosodé ku nos antepasadonan ku tabata sigui Moises. Nan tur tabata bou di protekshon di e nubia#Éksodo 13:21-22 i tur a krusa Laman Kòrá.#Éksodo 14:22-29 2Pa medio di nan union ku Moises, nan tur a risibí boutismo den e nubia i den e laman. 3Nan tur a kome e mesun kuminda sobrenatural#Éksodo 16:35 4i a bebe e mesun awa sobrenatural,#Éksodo 17:6; Numbernan 20:11 pasobra nan a bebe di e baranka spiritual ku a kompañá nan, esta Kristu. 5Ma Dios no a keda satisfecho ku mayoria di nan, pasobra El a laga nan muri den desierto.#Numbernan 14:29-30 6E kosnan akí a sosodé komo ehèmpel pa nos, pa atvertí nos pa no deseá kos malu, manera nos antepasadonan.#Numbernan 11:4 7No adorá dios falsu manera algun di nan a hasi. Skritura ta bisa: ‘E pueblo a kai sinta pa kome i bebe; nan tabata fiesta pa nan kuenta.’#Éksodo 32:6 8Nos no mester kometé akto inmoral manera algun di nan a hasi: riba ún dia 23.000 a dal abou muri!#Numbernan 25:1-18 9Nos no mester pone Kristu na prueba manera algun di nan a hasi; kolebra a morde nan mata.#Numbernan 21:5-6 10Anto boso tampoko no mester murmurá, manera algun di nan; e angel di destrukshon a kaba ku nan.#Numbernan 16:41-49

11E kosnan akí a sosodé ku nan komo ehèmpel pa otro hende i a skibi e kosnan akí komo atvertensia pa nos, ku ta biba serka fin di mundu. 12P'esei esun ku ta kere ku e ta pará firme, mester ta kouteloso pa e mes no kai! 13Ningun prueba ku boso a pasa aden mes no ta algu nobo pa hende. Boso por konfia den Dios; lo E no pèrmití pa boso pasa dor di prueba ku ta surpasá boso forsa. I ora boso pasa dor di prueba lo E sòru pa un salida, di moda ku boso por soportá e prueba.#Judit 8:25-27; Mateo 6:13

14P'esei anto, mi keridonan, hui pa adorashon di dios falsu. 15Mi ta papia ku boso manera ta papia ku hende sensato; husga pa boso mes si loke mi ta bisa ta korekto! 16Ora nos bebe for di e kopa di bendishon pa kua nos ta yama Dios danki, nos no ta partisipá na e sanger ku Kristu a drama pa nos? Ora nos kome e pan ku nos kibra, no ta nos tur ta partisipá huntu na kurpa di Kristu?#Mateo 26:26-28; Marko 14:22-24; Lukas 22:19-20 17Ta un pan so tin; p'esei ounke nos ta hopi, nos ta ún kurpa, pasobra nos ta partisipá na e mesun pan.

18Wak bon serka pueblo di Israel: esnan ku ta kome di e animalnan ofresé komo sakrifisio, ta partisipá konhuntamente na e sakrifisio ku ofresé riba altá.#Levítiko 7:6 19Kiko mi ke men ku esei? Akaso kuminda ofresé na dios falsu ta mas ku kuminda normal? Òf un imágen di un dios falsu ta mas ku un imágen komun i koriente? 20Al kontrario, loke mi ke men t'esaki: ora e paganonan ofresé sakrifisio na dios falsu, ta na demoño nan ta ofres'é i no na Dios.#Deuteronomio 32:17; Barug 4:7 Anto ami no ke pa boso tin niun tipo di relashon ku demoño. 21Boso no por bebe for di e kopa di Señor i tambe for di e kopa di demoño; boso no por partisipá na sena di Señor i tambe na sena di demoño.#2 Korintionan 6:15-16 22Òf ta provoká nos ke provoká Señor?#Éksodo 20:5; Deuteronomio 32:21 Akaso nos ta mas fuerte kunÉ?

Hasi tur kos na honor i gloria di Dios

23Tin ta bisa: ‘Tur kos ta pèrmití!’ Sí, ma no ke men ku tur kos ta bon pa hasi.#1 Korintionan 6:12 Tur kos ta pèrmití, ma no ta tur kos ta yuda hende krese. 24Niun hende no mester buska su mes probecho, sino interes di e otro. 25Boso ta liber pa kome tur loke ta bende na marshe di karni, sin hasi averiguashon pa motibu di konsenshi. 26Pasobra, manera Skritura ta bisa: ‘Henter mundu i tur loke ta den dje ta di Señor.’#Salmonan 24:1; 50:12; 89:11 27Si un hende ku no ta kreyente invitá boso bin kome i boso disidí di bai, kome tur loke e duna boso sin hasi averiguashon pa motibu di konsenshi. 28Awor si ken ku ta bisa boso: ‘E karni akí ta karni ofresé na un dios’, e ora ei no kom'é, pa motibu di e persona ei i un konsenshi limpi! 29Mi ke men: su konsenshi, no di boso.#1 Korintionan 8:7-12

Mi no mester laga konsenshi di otro hende limitá mi libertat. 30Si mi ta yama Dios danki pa loke mi ta kome, mi no mester laga hende papia malu di loke mi ta gradisí Dios p'e.

31En todo kaso, sea ku boso ta kome òf bebe, hasi tur kos na honor di Dios. 32No hasi nada ku ta pone otro hende kai den piká, sea ku ta hudiu, no hudiu òf esnan ku ta pertenesé na iglesia di Dios. 33Hasi meskos ku mi: mi ta purba di agradá tur hende den tur loke mi ta hasi; mi no ta buska bon pa mi, sino bon pa otro hende, ya nan por haña salbashon.

Currently Selected:

1 Korintionan 10: BPK13

Highlight

Copy