Maki Xónusɔ́ɖóte
Xónusɔ́ɖóte
Fí e wěma élɔ́ bɛ́ sín ɔ́ ɖe xlɛ́ ɖɔ Wɛn Ɖagbe e ɖɔ xó dó Jezu Klísu Mawu ví ɔ́ wú é wɛ (1.1). Mɛ e wlán wěma ɔ́ ké ya nú nǔ e Jezu jlɛ́ lɛ́ɛ hú xó e é ɖɔ lɛ́ɛ, bó ná dó tɛ ɖɛ̌ acɛ Mawu tɔn e Jezu ɖó ɔ́ jí.
Wěma ɔ́ ɖɔ lě e nǔ lɛ́ɛ jɛ gbɔn ɖě bɔ dó ɖě wú é ǎ, lo ɔ́, azɔ̌ e Jezu wa lɛ́ɛ wɛ è cyán gbɔn mɛ bó ɖɔ: nǔ e é wa ɖo Galilée, totaligbé é, Jeluzalɛ́mu e é yi é kpódó nǔ e jɛ ɖo dɔ̌n é kpó. È ɖo wěma ɔ́ xa wɛ bó ɖo nukɔn yi ɖ'é mɛ wɛ kpɛɖé kpɛɖé ɔ́, è nɔ jɛ Jezu tunwun jí; è nɔ tunwun ɖɔ Jezu wɛ nyí Gbɛtɔ́ví e sɔ́ gbɛ tɔn jó dó xɔ gbɛ nú mɛ gěgé é (10.45); fí e ɖo tají bǐ ɖo wěma ɔ́ mɛ ɔ́ wɛ nyí fí e è ká Jezu nyi aklúzu jí ɖe é; fínɛ́ ɔ́, sɔ́ja kanwekogán Hlɔ̌manu ɔ́ ɖɔ: “Nya élɔ́ ɔ́, Mawu ví wɛ é nyí nǔgbó.” (15.39). Xó e é ɖɔ ɔ́, fínfɔ́n sín kú Jezu tɔn ɖe xlɛ́ ɖɔ xó nǔgbó wɛ é ɖɔ.
Nǔ tají tají e ɖo wěma ɔ́ mɛ lɛ́ɛ
Azɔ̌ e Jǎan Yɛhwesinlɛnúmɛtɔ́ ɔ́ wa é (1.1-13)
Azɔ̌ e Jezu wa ɖo Galilée lɛ́ɛ é (1.14—8.30)
Jezu ɖɔ émí ná kú bó ná lɛ́ fɔ́n (8.31—9.50)
Jezu ɖo ali jí xwe Jeluzalɛ́mu (10)
Jezu ɖɔ xó xá mɛ lɛ́ɛ ɖo Jeluzalɛ́mu (11—12)
Jezu ɖɔ xó dó tagba e è nǎ wá dó nú ahwanvú lɛ́ɛ é wú (13)
Yajiji Jezu tɔn kpó fínfɔ́n sín kú tɔn kpó (14—16)
Currently Selected:
Maki Xónusɔ́ɖóte: Fon13
Highlight
Share
Copy
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.