Sirag 9
9
Relashon ku hende muhé
1No deskonfiá bo esposa;#Numbernan 5:12-15
bo por pon'é hasi algu malu kontra bo.
2Di otro banda no pega bo asina tantu n'e
ku e ta dominá bo.
3No mòrs ku muhénan di bida,#Proverbionan 5:3-23; 7:6-27; 23:27
pa bo no kai den nan gara.
4No pèrdè bo tempu ku un muhé kantante,
pa e no changa bo ku su kantamentu.
5No mira un hobensita ku deseo,
esei lo por bin sali bo karu.#Éksodo 22:16; Deuteronomio 22:18
6No drenta ku muhé di bida,
lo bo por pèrdè tur bo propiedat pa e motibu ei.
7No kana wak den kayanan di siudat
ni kana dualu den lugánan solitario.
8Kita bo bista for di un muhé bunita
i no deseá un muhé bunita ku no ta pertenesé na bo;
pa motibu di muhé bunita, hopi a haña nan riba mal kaminda;
pasobra pa e motibu ei amor ta lanta manera kandela.
9No sinta kome i bebe ku un muhé kasá,
lo bo por namorá di dje
i e ora ei bo pashon lo por hinka bo den pèrdishon.#Levítiko 20:10; Deuteronomio 22:22
Bon i mal kompania
10No bandoná un amigu bieu,
pasobra un nobo no por igual'é;
amigu nobo ta manera biña nobo:
ta t'e ora e bira bieu ta beb'é ku smak.
11No kudishá un pekadó pa su bon suerte,#Salmo 37:1-2; Proverbionan 23:17; 24:19-20
pasobra bo no sa kiko lo para di dje.
12No duna balor di mas na e bon suerte di hende sin konsenshi,
kòrda ku nan no ta muri sin haña kastigu.
13Hui hende ku tin poder pa mata mas tantu posibel,
ya bo no tin ku teme pa bo bida.
Si bo top'é tòg, no hasi nada straño,
sino bo ta kohe awa.
Sa ku kaminda bo ta kana ta yen di trampa,
òf ta manera riba muraya di siudat,
un blanko fásil pa flecha di enemigu.
14Trata di konosé bo próhimo mas bon posibel,
pero tuma konseho serka sabionan.
15Kombersá ku hende sensato
i hiba e kòmbersashon riba Lei di Altísimo.
16Sinta kome ku hende deboto
i buska bo fama den honra Señor.
MANDATARIONAN I LOKE HONOR BERDADERO TA KONSISTÍ DI DJE
Bon mandatario
17Manera ta gaba un artista pa su obra,
asina pueblo ta gaba un mandatario pa su bon palabra.
18Pero hende ku ta husga sin pensa promé,
ta pa nan un desaster i nan ta odi'é.
Currently Selected:
Sirag 9: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013