Proverbionan 26
26
1Meskos ku sneu n' ta pas den temp'i kalor
i áwaseru n' ta pas den temp'i kosecha,
asina honor n' ta pas pa hende bobo.
2Meskos k'un mòfi ta bula bula pasa i k'un souchi ta bula pasa bai,
asina un maldishon no meresí, nunka n' ta alkansá bo.
3Zuip ta pa kabai, bosal pa buriku,
i palu, pa lomba di hende bobo.
4No duna hende bobo kontesta bobo,
sino no tin diferensia mas entre abo kuné.
5Kontest'é segun su bobedat sí,
sino e ta kapas di kere ku e ta sabí.
6Konfia hende bobo lag'é hasi rospondi pa bo
ta manera kòrta bo mes pia kita afó i buska problema pa bo kurpa.
7Meskos ku e pianan di un paralítiko no tin forsa,
asina un proverbio ta den boka di un hende bobo.
8Mara un piedra na un slengu,
ta mes sin sentido ku honra hende bobo.
9Un rama den man di un buraché,
un proverbio den boka di un hende bobo,
tur dos ta ko'i spetakel.
10Es ku tuma hende bobo i hende k'e n' konosé den servisio,
ta manera un tiradó 'i flecha ku ta tira pa loko.
11Hende bobo ku ta keda ripití su bobedat,
ta manera un kachó ku ta bolbe kome loke el a saka.#2 Pedro 2:22
12Bo konosé un hende ku ta haña su mes mas sabí ku tur hende?
Sa antó ku tin mas speransa p'un hende bobo ku tin p'e.#Proverbionan 29:20
13E floho ta bisa komo preteksto: ‘Mi n' por sali pafó!
Tin un leon ta kana rònt eifó!’#Proverbionan 22:13
14Manera un porta ta drei den su skarnirnan,
asina un floho ta bòltu riba su kama.
15Un floho ta manera un hende ku ta hinka man den panchi,
pero ta haña muchu molèster pa hiba e kuminda su boka.#Proverbionan 19:24
16Un floho t'un hende ku ta haña su mes sabí,
mas sabí ku shete hende ku sano huisio.
17Un hende ku kana pasa i mete ku un pleitu k'e n' ta den,
ta manera un hende ku ta kohe un kachó tene na su rabu.
18Hende bobo ku ta hunga ku flecha na kandela i arma mortal,
19t'e hende ku ta gaña su amigu i bisa despues:
‘Ta wega m'a hasi’.
20Sin palu kandela ta paga,
sin hasimentu di redu, pleitu ta baha.
21Manera karbon ta pa karbon sendé i palu ta pa kandela,
asina e buskadó di problema ta den startmentu di pleitu.
22Hende ta guli redu manera pan kayente,
e ta baha bai te den nos paden aya.#Proverbionan 18:8
23Palabra bunita for di un kurason ku mal intenshon
ta manera un bañ'i plata riba un pòchi di klei.
24Hende ku mal intenshon ta skonde tras di loke e bisa,
pero den su kurason e ta warda mentira.
25Maske su palabranan ta amabel, no ker'é,
pasobra shete kos mashá perverso ta yena su kurason.
26Ounke e ta trata di skonde su odio,
su maldat n' ta keda sin sali na kla.
27Es ku koba un pos pa otro, e mes ta kai aden.
Es ku skupi na laria, den su kara e ta kai.#Sirag 27:25-27
28Es ku papia malu di hende, ta odia su víktimanan,
pero un hasidó di trastu tambe ta buska pa kaba ku hende.
Currently Selected:
Proverbionan 26: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
