Tononkira dia Tononkira 8
8
1Endrey naninona re no tsy anadahiko ianao,
nitsentsitra ny nonon’ineny?
fa raha tojo anao eny ivelany eny aho, dia hanoroka anao,
nefa tsy hahazo fanesoana amin’izany.
2Hitondra anao hiditra ao an-tranon’i neny aho,
dia hampianatra ahy ianao;
ary hampisotro anao divay voaharo zava-manitra,
dia ny ranon’ny ampongabendanitra.
3Ny tanany ankavia manondana ahy,
ary ny ankavanany manohona ahy.
Mpampakatra
4Miangavy anareo aho, ry zanaka vavin’i Jerosalema,
aza fohazinareo, aza fohazinareo ny malalako,
raha tsy efa sitrapony.
FIAFARANY
Antoko-mpihira
5Iza ity vehivavy, miakatra avy any an’efitra,
mitehina amin’ny malalany#8,5-7 Ny hatsaran’ny fitiavana sy ny fiamboniany.?
Mpampakatra
Teo ambanin’ny hazo pôma no namohazako anao,
teo no torontoronina anao ireninao.
Teo izy no torontoronina anao, tao izy no nampahita masoandro anao.
6Ataovy vita tombokase eo ambonin’ny fonao aho,
sy vita tombon-kase eo an-tsandrinao;
fa mahery toy ny fahafatesana ny fitiavana,
tsy azo ifonana toy ny Seoly ny fahasaro-piaro,
mirehitra toy ny afo ny firehetany,
dia lelafon’i Iaveh.
7Ny ranobe tsy mahay mamono ny fitiavana,
ny ony koa tsy mahasafotra azy.
Tenin’olon-kendry
Raha misy olona hividy fitiavana na amin’ny fananana rehetra ao an-tranony aza
dia tsy hahazo afa-tsy henatra foana.
Teny manindrona roa
8Manan-jandry vavy kely
tsy mbola misy nono izahay;
ka hataonay ahoana re ity zandry vavinay
raha avy izay andro angatahan’ny olona azy#8,8-9 Ny ampakarina milazalaza ny resaka nataon’ny anadahiny fony mbola kely izy.?
9Raha manda izy#8,9 Raha manda izy: ny zazavavy tsy manam-bady dia toy ny manda tsy misy tilikambo sy tsy àry fitaovana fiarovana. Koa itadiavana lehilahy mpanan-karena sy malaza.,
dia asianay lohamanda volafotsy;
raha varavarana izy,
dia hotampenanay hazo fisaka sedera.
Ampakarina
10Manda aho,
ary toy ny tilikambo ny nonoko;
ka dia toy ny efa nahita fihavanana aho eo imasony.
Antoko-mpihira
11Nanan-tanimboaloboka tao Baala Hamôna i Salômôna#8,11 Nanan-tanimboaloboka tany Baala Hamôna i Salômôna, sns. Izany dia fanoharana: Ny vadiny no ampitahain’ny mpampakatra amin’ny tanimboaloboky ny olona mpanan-karena, ka hoy izy: Aoka hifaly amin’ny tanimboalobony sy ny vokatra azony aminy ilay tompony. Ny ahy dia ny vadiko no tanimboaloboko, ka tsy hatakaloko izay tanimboalobok’i Salômôna na firy na firy.,
napetrany tamin’ny mpiandry voly ny tanimboaloboka.
Ary ny solom-bokatra aloa ho azy,
dia arivo sikla isan’olona.
Ampakarina
12Ny tanimboaloboka izay ahy kosa, dia anaranako fo:
ny arivo sikla no anao anie, ry Salômôna,
ary ny roan-jato kosa, an’ny mpiandry ny voany.
Teny fanampiny farany
Mpampakatra
13Eh, ianao izay mitoetra eny amin’ny zaridaina,
manongilana sofina hihaino ny feonao ny namana,
mba ampandreneso izany aho!
Ampakarina
14Mihazakazaha, ry malalako,
manahafa ny gazela
na ny zana-tserfa vavy,
eny an-tendrombohitry ny hazo mitete dity manitra!
Currently Selected:
Tononkira dia Tononkira 8: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
