Salamo 95

SALAMO 95 (Volgata 94)

Fanaingana

1Avia hihira amim-piravoravoana ho an’i Iaveh!

Manaova hobim-pifaliana ho an’ny Vatolampy famonjena antsika#95,1 Vatolampy famonjena antsika, na Andriamanitra Mpamonjy antsika.!

2Andeha isika hitsena azy amin’ny fiderana;

aoka hampireondreona hira fankalazana Azy isika.

3Fa i Iaveh Andriamanitra lehibe,

mpanjaka lehibe, ambonin’ireo andriamanitra rehetra.

4Hazoniny eo an-tanany ny fanorenana ny tany,

ary azy ny tampon’ny tendrombohitra.

5Azy ny ranomasina, fa Izy no nanao azy;

mbamin’ny tany koa, fa ny tanany no namorona azy.

6Avia, aoka hiankohoka sy hitsaoka Azy isika;

mandohaliha eo anatrehan’i Iaveh Mpahary antsika.

7Fa Izy no Andriamanitsika,

ary isika dia vahoaka eo am-balany,

andian’ondry entin’ny tanany.

A! raha mba mihaino ny feony mantsy ianareo anio!

8Aza manamafy ny fonareo, toy ny tany Meribà#95,8 Meribà na hoe Rafidima, fitoerana nijanonan’ny Zanak’i Israely taorian’ny nitany ny Ranomasina Mena; teo no nimonomononan’izy ireo noho ny tsy fisian’ny rano (Eks 17,1 sy ny manaraka; Fanis 20,13). Na angamba izy ihany no atao hoe Faràna izay nimonomononan’ny Zanak’i Israely, ka nandàvany tsy hiakatra ho any amin’ny tany Kanaana; satria ny mponina ao dia sady goaibe no matanjaka (Fanis 21,1 sy ny manaraka). Ampitahao amin’ity andininy ity, Heb 3,7-19; 4,1-11.,

tahaka ny tamin’ny andro tao Masà#95,8 Masà, anarana nomena ny tany izay nakan’ny Zanak’i Israely fanahy an’Andriamanitra (Eks 17,7; Heb 3,8)., tany an’efitra,

9izay nakan’ny razanareo fanahy Ahy,

sy nizahany toetra Ahy, na dia efa nahita ny asako aza izy ireo.

10Nandritra ny efapolo taona aho monain’izany taranaka izany,

ka nanao hoe: «Vahoaka manana izay fo mania izy,

ary tsy nahalala ny lalako.»

11Ka dia nianiana tamin’ny fahatezerako aho, nanao hoe:

«Tsy hiditra amin’ny fitsaharako#95,11 Fitsaharako: Izany hoe: ny tany izay tsy maintsy hanomezako azy ireo fiadanana sy fitsaharana dia ilay tany nampanantenaina (Kanaana). izy.»

Currently Selected:

Salamo 95: MBC

Highlight

Copy