Salamo 93
93
SALAMO 93#93 Ity Salamo ity, dia hira fiderana nataon’i Davida, araka ny Septanta sy ny Volgata. (Volgata 92)
Andriamanitra ambony fahefana
1Mpanjaka i Iaveh, mitafy fiandrianana Izy,
mitafy i Iaveh, misikina hery#93,1 Misikina hery. Izany hoe, vonon-kanatanteraka asa lehibe. Izy:
ka miorina mafy izao tontolo izao fa tsy mangozohozo.
2Voatsangana hatry ny fiandohana fahagola, ny fiandriananao,
misy hatramin’ny mandrakizay Ianao.
3Ny ony, ry Iaveh, manandratra,
ny ony manandratra ny feony,
ny ony manandratra ny onjany mimamamama.
4Mihoatra noho ny feon’ny ranobe,
sy ny onjan-dranomasina mahery,
dia be voninahitra i Iaveh any amin’ny avo#93,4 Any amin’ny avo, na hoe any an-danitra.!
5Tsy miova ny teny vavolombelonao,
ny fahamasinana no mendrika ny tranonao;
mandritra ny faharetan’ny andro rehetra, ry Iaveh ô!
Currently Selected:
Salamo 93: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
