Salamo 42
42
SALAMO 42-43#42-43 Ny Sal 42 sy ny 43 dia iray ihany, misy fizaràna telo samy faranana amin’ny teny hoe: nahoana no ketraka ianao, ry fanahiko, amin’ny and faha-8 sy faha-12 ary amin’ny 43, faha-5. (Volgata 41-42)
Tarainan’ny Levita voasesitany
1 Ho an’ny mpampianatra hira. Fihirana nataon’ny taranak’i Kôre,
izay nenti-ko babo tany Babilôna.
2Toy ny anirian’ny serfa ny loharano
no anirian’ny fanahiko Anao, Andriamanitra ô#42,2 Andriamanitra ô: Elohima, amin’ny teny hebrio. Tamin’ny fizaràna voalohany amin’ny Salamo, dia Iaveh no anarana enti-milaza an’Andriamanitra; amin’ity fizarana faharoa ity dia Elohima no fanonona azy matetika. Satria tsy indray natao ny Salamo rehetra, fa naharitra ela no namoronana azy; ary tsy olona iray no namorona azy rehetra; koa noho izany samy manana ny fiteniny avy.!
3Mangetaheta an’Andriamanitra ny fanahiko,
dia Andriamanitra velona:
rahoviana aho no handeha ka hiseho tsy an-kijanona
eo anatrehan’ny Tavan’Andriamanitra?
4Ny ranomasoko no haniko andro aman’alina,
dia ny ilazan’ny olona amiko tsy an-kijanona hoe:
Aiza izay Andriamanitrao#42,4 Aiza izay Andriamanitrao? Izany teny izany dia teny mihatra amin’ny olona voababo na voasesitany, ka latsain’ny fahavalony, fa hoe tsy afaka hamonjy azy ny andriamaniny.?
5Mahatsiaro aho - ary amin’izany fahatsiarovako izany
mangitaka ny foko ao anatiko, -
nony namindra notronim-bahoaka aho,
nony nandroso ho ao an-tranon’Andriamanitra,
eo afovoan’ny hobim-pifaliana amam-pisaorana,
eo afovoan’ny vahoaka be manao fety!
6Nahoana no ketraka ianao, ry fanahiko,
ka mihavatravatra ato anatiko?
Manantenà an’Andriamanitra fa izaho mbola hidera Azy,
izay famonjena ny tavako#42,6 Ny famonjena ny tavako: izany hoe, ny famonjena izay hataon’Andriamanitra eo anatrehako ka ho hitan’ny masoko. sy Andriamanitro!
7Ketraka ny fanahiko ato anatiko,
ka izany no ahatsiarovako Anao, eo amin’ny tanin’i Jordany,
mbamin’i Hermôna, sy ny tendrombohitr’i Misara.
8Mifampitaona ny onjan-drano nony mirohondrohona ny riananao,
ka ny onjan-drano aman-driakao dia mandalo manafotra ahy#42,8 Ny onjan-drano manafotra ahy: na hoe ny fahoriana mafy indrindra no midona amiko. avokoa.
9Nandidy ny fahasoavany hitsidika ahy i Iaveh, ny antoandro;
teo amin’ny molotro ny hirany, nony alina;
10nanao fivavahana tamin’ny Andriamanitry ny aiko.
Ary izaho kosa, dia hoy aho amin’Andriamanitra vatolampiko:
nahoana no manadino ahy Ianao?
11Nahoana ity izaho no tsy maintsy mandeha difotr’alahelo,
ampahorin’ny fahavalo?
Tsaroako vaky ny taolako nony latsain’ny fahavaloko aho,
12ilazany tsy an-kijanona hoe: «Aiza izay Andriamanitrao?»
Nahoana no ketraka ianao, ry fanahiko, ka mihavatravatra ato anatiko?
Manantenà an’Andriamanitra, fa izaho mbola hidera Azy,
izay famonjena ny tavako sady Andriamanitro.
Currently Selected:
Salamo 42: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
