Salamo 135
135
SALAMO 135#135 Ity Salamo ity dia voaforona amin’ny teny nalaina tamin’ny boky efa vita teo aloha. (Volgata 134)
Antsa fiderana
Aleloia!
1Miderà ny Anaran’i Iaveh,
Miderà Azy ianareo mpanompon’i Iaveh,
2ianareo manao fanompoana ao an-tranon’i Iaveh,
eo an-kianjan’ny tranon’ny Andriamanitsika#135,2 Jereo Sal 116,19; 134,1..
3Miderà an’i Iaveh fa tsara i Iaveh,
mihirà ny Anarany amin’ny harpa, fa mamy tanteraka.
4Fa i Iaveh efa nifidy an’i Jakôba ho Azy,
sy an’i Israely ho lovany#135,4 Jereo Deter 6,6..
5Eny, fantatro, lehibe i Iaveh,
ambony noho ny andriamanitra rehetra ny Tompontsika.
6Manao izay tiany rehetra i Iaveh,
eny an-danitra sy etỳ ambonin’ny tany,
any an-dranomasina sy any amin’ny hantsana rehetra#135,6 Jereo Sal 115,3..
7Mampiakatra ny zavona avy amin’ny faran’ny tany izy;
mandefa ny tselatra aman-dranon’orana,
mamoaka ny rivotra avy amin’ny firaketany.
8Namono ny voalohan-terak’i Ejipta Izy fahiny,
hatramin’ny olona ka hatramin’ny biby#135,8 Jereo Eks 12,29..
9Naneho famantarana amam-pahagagana Izy,
teo afovoanao, ry Ejipta,
namelezany an’i Faraôna sy ny mpanompony rehetra#135,9 Jereo Sal 105,27; 136,15..
10Firenena maro no nasiany,
ary mpanjaka mahery no novonoiny#135,10 Jereo Deter 7,1; Jôs 12,1-7; 23,9.:
11i Sehôna mpanjakan’ny Amôreana,
i Oga mpanjakan’i Basàna,
mbamin’ny mpanjaka rehetra tany Kanaana,
12ka natolony ho lova ny tanin’ireo,
dia ho lovan’i Israely vahoakany.
13Iaveh ô, maharitra mandrakizay ny Anaranao:
Iaveh ô, maharitra amin’ny taona rehetra mifandimby
ny fahatsiarovana Anao#135,13 Jereo Eks 3,15; Sal 102,13..
14Fa manome rariny ny vahoakany i Iaveh,
ary miantra ny mpanompony Izy#135,14 Jereo Deter 32,36; Sal 90,13..
15Ny sampin’ny firenena dia volafotsy amam-bolamena,
asan-tanan’olombelona#135,15-20 Jereo Sal 115,4-11..
16Manam-bava fa tsy miteny izy;
mana-maso fa tsy mahita;
17manan-tsofina fa tsy mahare izy,
tsy misy fofon’aina akory aza ny vavany.
18Hanahaka ireny anie ry zareo nanao azy,
na iza na iza mitoky aminy!
19Misaora an’i Iaveh, ry taranak’i Israely!
Misaora an’i Iaveh, ry taranak’i Aarôna!
20Misaora an’i Iaveh, ry taranak’i Levì!
Misaora an’i Iaveh, ianareo matahotra an’i Iaveh!
21Hisaorana avy ao Siôna anie i Iaveh,
izay mitoetra ao Jerosalema!
Aleloia!
Currently Selected:
Salamo 135: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
