Ohabolana 26
26
Ataovy mifanendrika amin’ny fahendrena ny atao
1Toy ny oram-panala fahavaratra sy ranonorana amin’ny taom-pijinjana,
no tsy iendrehan’ny voninahitra ho an’ny adala.
2Toy ny fitsoatsoaky ny fody, sy fanidintsidin’ny sidintsidina,
no tsy fihàtran’ny ozonozom-poana.
3Ny karavasy ho an’ny soavaly, ny lamboridy ho an’ny ampondra,
ary ny tsora-kazo ho an’ny lamosin’ny adala.
4Aza mamaly ny adala araka ny hadalany,
fandrao dia manahaka azy koa ianao.
5Valio araka ny hadalany ny adala,
fandrao dia manao azy ho hendry izy.
6Manapaka ny tongony sy misotro tsy fahamarinana,
izay mampitondra teny ny adala.
7Esory amin’ny mandringa ny tongony,
sy ny oha-teny eo am-bavan’ny adala.
8Toy ny mamehy vato amin’ny antsamotady#26,8 Toy ny mamehy vato amin’ny antsamotady. Raha voafehy amin’ny antsamotady ny vato, na alefa aza tsy afa-mandeha. Koa zavatra tsy misy heviny na asany akory ny mamehy vato amin’ny antsamotady; ary sahala amin’izany indrindra ny manome voninahitra ny adala.,
ny manome voninahitra ny adala.
9Toy ny tsilo#26,9 Toy ny tsilo, sns. Izany hoe, ny olona mamo, na dia voan’ny tsilo aza ny tanany, dia tsy reny noho ny hamamoany. Toy izany koa ny adala, na dia tononin’ny vavany aza ny oha-tenin’ny olon-kendry, dia tsy fantany velively na ny hevitr’izany teny izany na ny heriny. milentika amin’ny tanan’ny mamo,
ny oha-teny eo am-bavan’ny adala.
10Toy ny mpandefa tsipìka mandratra ny olona rehetra,
ny manakarama ny adala sy ny mpandalo.
11Toy ny amboa miverina amin’ny loany,
toy izany ny adala miverina amin’ny hadalany.
12Raha mahita olona manao azy ho hendry ianao,
ny adala no misy hantenaina kokoa noho izy.
13Hoy ny kamo: «Misy liona any an-dalam-be;
misy liona atsy amin’ny arabe.»
14Ny varavarana mihodina eo amin’ny saviliny,
toy izany koa ny kamo mihodina eo amin’ny fandriany.
15Mangaron-dovia amin’ny tanany ny kamo;
ary manahirana azy ny hampakatra izany eo am-bavany.
16Ny kamo manao ny tenany ho hendry,
mihoatra ny mpihevitra fito#26,16 Fito: dia teny enti-milaza isa maro, betsaka. mahira-tsaina.
17Toy ny olona misambotra amboa amin’ny sofiny#26,17 Sofiny: izany hoe, izay misambotra amboa amin’ny sofiny, dia mitono tena hokaikeriny: izay misalovana amin’ny ady tsy an’ny tenany, dia manao mosalahy amin’ny fanalam-baraka ny tenany.,
ny mpandalo misafoaka amin’ny adin’ny hafa.
18Toy ny mpisafoaka mandefa longy mirehitra afo,
sy zana-tsipìka amam-pahafatesana,
19ny olona izay efa namitaka ny namany,
ka manao hoe: «Vosibositra fotsiny no nataoko.»
20Raha tsy eo ny kitay, maty ny afo:
halaviro ny mpitati-bolana, mitsahatra ny fanditra.
21Ny arina mampisy vainafo, ny kitay mampisy afo,
ny olona tia ady kosa mamelona fifandirana.
22Toy ny hanim-py ny tenin’ny mpitati-bolana,
ka mikorotsaka hatrany anatin’ny tsinay.
23Vilany tany mipetaka taim-bolafotsy,
ny molotra maimay miaraka amin’ny fo ratsy.
24Mihatsaravelatsihy amin’ny vavany ny mpankahala,
kanjo manafim-pitaka ao anatiny;
25koa aza matoky azy raha manao feo malefaka izy,
fa fahavetavetana fito no ao am-pony.
26Azony afenina ihany amin’ny fihatsarambelatsihiny ny fankahalany,
nefa mbola hiharihary eo amin’ny fivoriana ny faharatsiany.
27Izay mihady lavaka no ho latsaka ao;
ary izay manakodia vato no hikodiavany.
28Mankahala izay olona simbany ny lela mandainga,
ary mampidi-doza ny vava mandoka.
Currently Selected:
Ohabolana 26: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
