Nahoma 3
3
Fandrahonana an’i Niniva noho ny heloka nataony
1Loza ho an’ny tanàna mpandatsa-dra,
feno fanambakana amam-pahasiahana
tsy mitsahatra amin’ny halatra!
2Injany re ny firivirìvin’ny karavasy,
ny firodorodon’ny kodia,
ny katrokatroky ny soavaly,
ny fiantraitraikan’ny sarety!
3Mpitaingin-tsoavaly miezaka,
sabatra mamirapiratra, lefona manjelatra,
olo-maratra sesehena, maty miavosa,
faty tsy hita isa...
Voafingampingan’ny faty#3,3 Voafingampingan’ny faty. Noho ny hamaroan’ny faty miampatrampatra be ihany amin’ny mponin’i Niniva, dia tsy afaka mandeha ny miaramila fa voafingana ka potraka mandrakariva. ny olona!
4Ny nahatonga izany,
dia noho ny fijangajangana maro be nataon’ilay vehivavy janga,
feno zavatra mahafinaritra manangoly, kinga amin’ny fankatoavana,
izay nivarotra firenena amin’ny fijangajangany
sy vahoaka amin’ny fankatoavany.
5Inty Aho izao manohitra anao,
- teny marin’i Iavehn’ny tafika; -
haingaiko hatrany amin’ny tavanao ny rambon’ny akanjonao,
haharihariko amin’ny firenena ny fitanjahanao,
ary amin’ny fanjakana ny fahamenaranao.
6Hotsipazako loto ianao, sy halàko baràka,
sy hataoko fijerin’ny olona ianao.
7Izay mahita anao, handositra lavitra anao avokoa,
sy hanao hoe: Rava i Niniva!
Iza no hangoraka azy?
Aiza no hitadiavako mpampionona anao?
Ohatra ho azy i Teba
8Moa ianao tsara noho i No-Amôna#3,8 No-Amôna: Renivohitr’i Ejipta Ambony.
izay nipetraka teo amin’ny ony,
nohodidinin’ny rano,
nanana ny ranomasina#3,8 Ranomasina: Ny ony lehibe dia indraindray natao hoe ranomasina. Ohatra: Eofrata, Iz 27,1; Jer 51,36. -Nila, Iz 19,5, sns. ho mandany,
sy ny rano be ho tambohony?
9I Etiôpia no heriny, mbamin’i Ejipta koa,
ary be tsy hita isa ireny#3,9 Be tsy hita isa ireny: Amin’ny firenena hafa, dia maro no azony antsoina hanampy azy.;
i Foty sy ny Libianina no mpanampy anao.
10Mba lasana voasesitany ihany anefa,
ary nentin-ko babo izy;
ny zanany madinika koa notorotoroina,
teny an-joron-dalambe rehetra teny;
ny olo-malazany nanaovana filokana,
ary ny lehibeny rehetra nivesatra gadra avokoa.
11Ianao koa hampileovina, dia hanjavona tsy hita intsony;
ianao koa eo anatrehan’ny fahavalo hitady fialofana.
Very maina ny fiomanan’i Niniva
12Ny tanànanao mimanda mafy rehetra
dia aviavy misy voany masaka
hozongozonina dia miraraka
eo am-bavan’izay te-hihinana azy ireny.
13Indro ny vahoakanao fa toy ny vehivavy eo afovoanao;
eo anoloan’ny fahavalonao, dia hivoha midanadana
ireo vavahadin’ny taninao;
levon’ny afo ny hidinao.
14Mantsakà rano ho anao ho fitaovana amin’ny fahirano;
hamafiso ny manda,
manditia tanimanga#3,14 Manditia tanimanga: Mba hanaovana biriky ahahy amin’ny andro na dorana, hanamboarana ny manda., mihose tanidilatra,
raiso ny lasitra hanaovana biriky.
15Any no handevonan’ny afo anao,
handripahan’ny sabatra anao.
Valala vao, miavosa
Any no hihinanany anao, toy ny ieleka#3,15 Ieleka: Karazam-balala.
na dia ho maro toy ny ieleka aza ianao,
sy ho betsaka toy ny valalavao.
16Nampitombo isa ny mpandrantonao ianao#3,16 Nampitombo isa ny mpandrantonao ianao; nefa tsy ho hery ho anao izy ireo, fa raha vantany vao miposaka ny fahavalo dia hanao tsoa-pe himaona haingana, mova tsy ny fanidin’ny valala, izy ireo.,
mihoatra noho ny kintana eny an-danitra;
mikopaka elatra ny ieleka dia lasa manidina.
17Ny mpiambinao no toy ny ieleka
ary ny mpanapaka anao no toy ny valala vao, miavosa,
mipetraka eny amin’ny fefy izy, amin’izay andro mangatsiaka#3,17 Andro mangatsiaka: Andro tsy isian’ny ady.;
fa lasa mandositra raha vao miposaka ny masoandro#3,17 Masoandro: Fahavalo.,
ka tsy fantatra intsony izay nisy azy; nankaiza izy?
Hita fisaorana
18Rendremana ny mpiandrinao, ry mpanjakan’i Asiria;
mivalandotra#3,18 Mivalandotra: kivy, ketraka. ny lehilahy maherinao;
mihahaka eny an-tendrombohitra ny vahoakanao;
sady tsy misy olona mamory azy.
19Tsy lai-panafody ny ratranao#3,19 Tsy lai-panafody ny ratranao, sns. Satria sady ho fongotra ny tanànanao no ho lany ritra ny vahoakanao.;
ratsy ny ferinao;
izay rehetra hitantarana ny nanjò anao,
hiteha-tanana#3,19 Hiteha-tanana: Hampiseho ny hafaliany, ka hanakora anao hoe: Sakoa izay! noho ny aminao avokoa;
satria zovy moa no tsy niharan’ny hasomparanao lava izao?
Currently Selected:
Nahoma 3: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
