Jôba 37
37
1Mihorohoro loatra ny foko amin’ny fahitana izany#37,1 Amin’ny fahitana izany: Ny fahitany ny zava-mahagaga asan’ny tanan’Andriamanitra.,
miantsambotra mila hiala amin’ny fitoerany izy.
2Henoy, henoy ange ny fikotrokotroky ny feony#37,2 Ny fikotrokotroky ny feony: Ny kotro-baratra no feon’ny Tompo.,
ny firohondrohona mivoaka avy amin’ny vavany!
3Alefany tsy misy mpisakana izany ho etỳ ambany lanitra tsy hita lany,
ary mamirapiratra hatrany amin’ny fara vazantany ny tselany.
4Manaraka izany, dia misy kotroka mipoaka,
mampanehoeho ny feony mahery,
ka raha vao re ny feony, dia tsy tanany ny tselatra.
5Mikotrokotroka mahagaga amin’ny feony Andriamanitra;
Manao zava-dehibe tsy takatry ny saintsika Izy.
6Ny oram-panala ilazany hoe: ‹Milatsaha amin’ny tany›;
ny tandrifin-drahona mbamin’ny orana mivatravatra baikoiny. 7Asiany tombokase ny tanan’ny olombelona rehetra#37,7 Asiany tombokase ny tanan’ny olombelona rehetra: Izany hoe, akombony ny tanan’ny olombelona mba tsy ho afa-kiasa izy amin’ny andro ririnina; mba ho fantany fa Izy no Tompo Mpahary mahatonga ny fizaran-taona, dia ny fotoana azo iasana sy ny fotoana tsy azo iasana ny tany.,
mba hahalalan’ny olona rehetra ny mpahary azy.
8Ny biby miditra amin’ny lavany,
dia mijanona ao an-davany.
9Ny tadio miala amin’ny fitoerany miafina,
ny rivotra avy avaratra mampisy fanala.
10Ny fofon’ain’Andriamanitra mampivongana ranomandry
ka tonga voageja ny rano be.
11Vesarany etona ny rahona;
aeliny ny rahona mazava.
12Ka indreny tazana mankatsỳ mankarỳ ireny araka ny didiny,
hanatanteraka izay rehetra andidiany azy,
eny ambonin’ny tany misy mponina.
13Ka mbetika ny mba hanasazy ny taniny,
mbetika ho mariky ny fanambinany no anirahany azy ireny.
14Ry Jôba ô, tandremo izany zavatra izany,
miatoa ianao handinika ny zava-mahagaga ataon’Andriamanitra.
15Fantatrao va ny anaovany an’izany,
sy ampanjelanjelarany ny tselatra eny amin’ny rahona?
16Azonao va ny fihevahèvan’ny rahona,
ny zava-mahagaga ataon’Ilay manam-pahalalana tanteraka,
17ianao izay mafana ny fitafianao,
raha mijanona ny tany mandritra ny fifofofofoan’ny rivotra, avy any atsimo?
18Mba mahavelatra ny rahona toa Azy va ianao,
ka mampitoetra mafy azy toa varahina manganohano?
19Mba atoroy anay hoe, izay tokony holazainay aminy;
fa tsy mahay miteny aminy izahay fa tsy mba mahalala!
20Ah! tsy hotaterina eny aminy anie ny teniko!
Fa oviana moa no mba nisy olombelona nilaza fa maniry ny ho levona?
21Tsy mety hita ankehitriny ny fahazavan’ny masoandro,
izay mamirapiratra ao ivohon’ny rahona;
raha misy rivotra mandalo anefa, dia mampisava azy.
22Ny volamena dia avy any avaratra no iaviany,
fa Andriamanitra kosa mba mampatahotra lahy ny fiandrianany#37,22 Ny volamena dia avy any avaratra, sns. Avaratr’i Jodea sy i Idomea, dia any Armenia, Ofira, no nitadiavana ny volamena. Fa Andriamanitra kosa, sns. Fantatra ihany izay toerana misy ny volamena sy ihadiana azy. Fa Andriamanitra voahodidina fiandrianana kosa, tsy azo hatonina.!
23Ny Tsitoha tsy azontsika takarina,
fa lehibe amin’ny hery, amin’ny rariny, amin’ny fahamarinana;
tsy mamoaka izay nataony#37,23 Tsy mamoaka izay nataony: Izany hoe: Tsy misy mahazo manadina Azy ny anton’ny asa vitany na mampamoa-dia Azy amin’izany. na amin’iza na amin’iza Izy.
24Ka aoka hanaja Azy ny olombelona!
Fa tsy jereny akory izay manao azy ho hendry».
Currently Selected:
Jôba 37: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
