2Kôrintianina 11
11
Tonga voatery hidera ny tenany i Paoly
1Enga anie ka mba handefitra hadalana kely amiko#11,1 Hadalana kely amiko. Ndeha hidera tena izy ka mifona aloha. ianareo! Eny, mahay mandefitra ahy tokoa ianareo. 2Manana fahasaro-piaron’Andriamanitra ny aminareo aho, satria natolotro ho fofom-badin’ny Lehilahy anankiray ianareo#11,2 Natolotro ho fofom-bady, sns. Izy no toa naka azy ireo ho vadin’i Kristy, ka saro-piaro azy tahaka an’i Kristy mihitsy., dia i Kristy, mba hanolorako anareo aminy toy ny virjiny madio. 3Matahotra anefa aho fandrao ny sainareo very hadiovana amam-pahitsiam-po amin’i Kristy, toy ny namitahan’ny bibilava an’i Eva tamin’ny hafetsen-dratsiny. 4Fa raha ohatra ka ireo vahiny#11,4 Ireo vahiny, dia ireo holazainy vetivety ho apôstôly sandoka (and faha-13). Mandefitra amin’ireo ny Kôrintianina, ka ho rariny izany raha ireo nampahazo azy harem-panahy vaovao (mova tsy ny hoe: Jesoa sy Fanahy ary Evanjely hafa); fa nofy izany! tonga ao aminareo no hitory Jesoa hafa noho izay notorinay, na ianareo no handray Fanahy hafa noho izay noraisinareo, na Evanjely hafa izay tsy noraisinareo, dia ho rariny angaha ny handeferanareo aminy. 5Fa angaha misy mahalatsa-danja ahy noho ireo Apôstôly ambony indrindra#11,5 Apôstôly ambony indrindra; izany hoe, izay fiantson’ny sasany toy izany, hamelezany an’i Paoly izay tsy tahaka an’ireo, hono. ireo? 6Na tsy ampy fahaiza-mandahatra aza aho, dia ampy fahalalana tokoa, araka ny nasehonay miharihary taminareo, tamin’ny zavatra rehetra. 7Sa diso aho, fa nanetry ny tenako mba hanandratako anareo, ka nitory maimaim-poana ny Evanjelin’Andriamanitra taminareo? 8Ny an’ny Eglizy sasany no nalaiko, fa nandray fanampiana taminy aho, mba hoentiko miasa atỳ aminareo. 9Nony nitoetra tany aminareo aho, na dia tsy nanana aza, dia tsy mba namaky tratra olona, fa ny havana iray finoana avy any Masedônia no nanome izay nilaiko. Notandremako mihitsy izay tsy hahavaky tratra anareo, ary mbola hotandremako koa aza izany. 10Raha ato anatiko koa ny fahamarinan’i Kristy, marina raha ho azon-javatra esorina amiko izany reharehako eran’i Akaia manontolo izany. 11Nahoana àry? Noho ny tsy fitiavako anareo ve? Andriamanitra no mahalala.
12Fa izay ataoko dia mbola hataoko ihany, mba tsy hahita fialan-tsiny ry zareo mitady hevitra hampiharihary azy ho tahaka anay ihany amin’izay ireharehany#11,12 Amin’izay ireharehany. Ny filam-bola fanaon’izy ireo no nireharehany sy notadiaviny harahin’i Md. Paoly aza, mba ho tahaka azy izy ireo; fa tsy nanova ny fanaony i Md. Paoly.. 13Apôstôly sandoka anie izy ireny e, mpiasa mamitaka, mpaka endriky ny Apôstôlin’i Kristy! 14Ary aza gaga amin’izany ianareo, fa na i Satana aza mahay maka ny endriky ny Anjelin’ny mazava koa; 15ka tsy mahagaga na maka ny endriky ny mpandraharahan’ny fahamarinana aza ny mpandraharahany. Fa ny hiafarany no ho araka ny asany ihany.
16Hoy indray aho: aza misy manao ahy ho adala; tsy maninona anefa, raiso toy ny adala ihany aho, raha sitrakareo, mba hahazoako mirehareha kelikely koa. 17Eny, izao holazaiko izao, dia tsy araka ny Tompo no ilazako azy, fa hoatra ny adala aho amin’izao fahasahiako mirehareha izao. 18Be àry no mirehareha araka ny nofo, ka dia mba hirehareha koa aho; 19sady hendry koa ianareo, ka mandefitra an-tsitrapo amin’ny adala. 20Eny, mandefitra tokoa ianareo, raha misy manandevo anareo, raha misy mandany anareo, raha misy maka ny anareo, raha misy mirehareha aminareo, raha misy mamely ny tavanareo#11,19-21 Famelezana sy fihomehezana ny Kôrintianina ireo, fa tsy tokony ho nandefitra be toy izany tamin’ireo «apôstôly sandoka» izy.. 21Menatra aho no milaza, fa izahay no nalemy.
Izay sahin’ny olona anefa, miteny toy ny adala aho, dia mba sahiko koa. 22Hebrio va izy ireo? izaho koa; Israelita va izy? izaho koa; taranak’i Abrahama va izy? izaho koa; 23mpandraharahan’i Kristy va izy? hiteny toy ny olona very saina aho, eny mihoatra noho izy aho amin’izany, dia amin’ny fisasarana manan-tombo, amin’ny tranomaizina manan-tombo, amin’ny kapoka manan-tombo lavitra, amin’ny fahafatesana matetika. 24Indimy aho, nokapohin’ny Jody inefapolo latsaka iray avy#11,24 in-40 latsaka iray avy, no fanao sao mihoatra ny 40 ka mandika ny Lalàna (Deter 25,3).; 25intelo nokapohina rotsakazo; indray maka, notoraham-bato; intelo, vaky sambo; indray andro sy indray alina, tao an-davaka lalina#11,25 Tao an-davaka lalina. Vaky sambo amin’ny ranomasina lalina angamba izany ka navoivoin’ny rano tao.. 26Tany am-pivahiniana imbetsaka, matetika no saiky nidiran-doza, dia loza tamin’ny ony, loza tamin’ny jiolahy, loza tamin’ny iray firenena amiko, loza tamin’ny Jentily, loza tao an-tanàna, loza tany an’efitra, loza tany amin’ny ranomasina, loza tamin’ny havana sandoka; 27tamin’ny famonoan-tena sy fikelezana aina, tamin’ny fiaretan-tory matetika, tamin’ny hanoanana aman-ketaheta, tamin’ny fifadian-kanina matetika, tamin’ny hatsiaka amam-pitanjahana. 28Tsy hamisavisa zavatra maro aho, fa fanampin’izany, eo koa ny fiahiana isan’andro sy ny fikarakarana ny Eglizy rehetra. 29Iza no malemy ka tsy malemy koa aho? zovy no tafintohina ka tsy mirehitra koa aho?
30Raha mety ny mirehareha, dia ny amin’ny halemeko no hataoko rehareha. 31Ary Andriamanitra, Rain’i Jesoa Kristy Tompontsika, izay isaorana mandrakizay, no mahalala fa tsy mandainga aho. 32Tany Damasy, ilay governora voatendrin’i Areta mpanjaka dia nampiambina ny tanànan’i Damasy mba hisamborana ahy#11,32 Tany Damasy, sns. Todiho ny asa, 9,23.; 33fa nampidinina an-tsobika avy teo am-baravarankely, nanaraka ny manda aho, ka afaka teo am-pelatanany.
Currently Selected:
2Kôrintianina 11: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
