1Kôrintianina 10

Raha araka ny fahamalinana sy ny anatra omen’ny lasa teo amin’i Israely

1Fa tsy tiako tsy ho fantatrareo, ry kristianina havana, fa tambanin’ny rahona ny razantsika rehetra; namaky ny ranomasina#10,1-2 Ny ranomasina, ny ranomasina Mena. Natao batemy tamin’i Môizy. Nohasoavin’Andriamanitra tao amin’ny rahona sy ny ranomasina ny Zanak’i Israely, ka mova tsy batemy toa nampikambana azy mafy tamin’i Môizy izany. izy rehetra; 2ary natao batemy tamin’i Môizy tao amin’ny rahona sy ny ranomasina izy rehetra; 3hanina ara-panahy iray ihany no nohanin’izy rehetra#10,3-4 Ny hanina iray, dia ny mana Ny fisotro iray, dia ny rano tamin’ny vatolampy. Ara-panahy, izany hoe masina, mahagaga, fa fahagagana no nahazoana azy. Ary tsy ny vato tsy akory no nanaraka an’i Israely tany an’efitra (nofin’ireny mpampianatra Jody izany); fa i Kristy no ilay vatolampy masina nanaraka azy sy toa nisotroany.; 4ary fisotro ara-panahy iray ihany no nosotroin’izy rehetra, satria nisotro tamin’ny vatolampy ara-panahy izay nanaraka Azy izy ireo, ary i Kristy izany vatolampy izany. 5Tsy sitrak’Andriamanitra anefa ny ankabeazan’izy ireny, fa lambam-bary tany an’efitra.

6Ary izany zavatra izany dia tonga mba ho anatra ho antsika, mba tsy hitsiriritra ny ratsy isika, toy ny nitsiriritan’ireny, 7mba tsy ho tonga mpanompo sampy ianareo, toy ny sasany tamin’ireny, araka ny voasoratra hoe: Nipetraka hihinana sy hisotro ny olona, dia nitsangana hilalao; 8mba tsy hijangajanga isika, tahaka ny sasany tamin’ireny, ka telo arivo sy roa alina izy no maty indray andro monja. 9Eny, aoka isika tsy haka fanahy an’i Kristy, tahaka ny nakan’ny sasany tamin’ireny fanahy Azy, ka matin’ny bibilava izy ireny; 10ary aoka ianareo tsy himonjomonjo tahaka ny sasany tamin’ireny, ka matin’ny Anjely mpandringana izy ireny. 11Nozoin’izany rehetra izany izy ireny mba ho anatry ny sasany; ary nosoratana izany mba ho fananarana antsika tratr’izao andro farany izao#10,11 Izao andro farany, sns. Tsy andro iray izany; fa hatramin’ny nahatongavan’ny Mesia ka hatramin’ny farany indrindra..

12Koa aoka àry izay manao ny tenany ho mijoro tsara, hitandrina sao lavo. 13Tsy nisy fakam-panahy namely anareo afa-tsy izay zakan’ny olombelona ihany; ary mahatoky Andriamanitra, ka tsy hamela anareo halaim-panahy mihoatra noho izay zakanareo, fa isam-pakàm-panahy dia hasiany fialana tsara mba hahazakanareo azy.

Ireo sakafo masina

Tsy azo atao ny mifanaraka amin’ny fanompoan-tsampy

14Noho izany, ry malala, halaviro ny fanompoan-tsampy. 15Miteny aminareo toy ny amin’ny olona manan-tsaina aho, ka tsaraonareo izay lazaiko. 16Moa ny kalisim-pisaorana izay isaorantsika, tsy firaisana amin’ny Ran’i Kristy va? Ary moa ny mofo izay vakintsika, tsy firaisana amin’ny Tenan’i Kristy va? 17Satria iray ihany ny mofo, ka dia tena iray ihany koa isika na dia maro aza, fa mofo iray ihany no iombonantsika rehetra#10,16-17 Araka ireo teny ireo dia Tenan’ny Tompo tokoa ny Eokaristia (jereo 9, 23-26).. 18Jereo ange i Israely araka ny nofo e: moa tsy mpiombona amin’ny ôtely va, ireo mihinana amin’ny fanatitra atao sorona? 19Inona àry no lazaiko? Moa mba zavatra ihany va ny hena naterina tamin’ny sampy; na moa mba zavatra koa va ny sampy? 20Tsia, fa ny zavatra aterin’ny Jentily ho fanatitra, dia ataony sorona amin’ny demony, fa tsy amin’Andriamanitra, ka tsy tiako ho mpiombona amin’ny demony ianareo. Tsy azonareo atao ny sady hisotro amin’ny kalisin’ny Tompo no hisotro amin’ny kalisin’ny demony koa; 21tsy azonareo atao ny sady hihinana amin’ny latabatry ny Tompo no hihinana amin’ny latabatry ny demony koa. 22Te-hampahasaro-piaro ny Tompo angaha isika? Mahery noho Izy va isika?

Ny tokony hatao momba ny hena atolotra ny sampy

23Tsy misy fady ny zavatra rehetra nefa tsy àry mahasoa avokoa izy rehetra; tsy misy fady ny zavatra rehetra, nefa tsy àry mahasoa fanahin’olona avokoa izy rehetra. 24Aza misy mitady ny ho an’ny tenany, fa ny ho an’ny namana. 25Hano avokoa izay amidy any an-tsena, fa aza manontany akory noho ny fieritreretana, 26satria an’Andriamanitra daholo ny tany sy ny zavatra rehetra ao aminy. 27Raha misy tsy mpino manasa anareo, ka te handeha ianareo, dia hano izay arosony anareo, ary aza manontany akory noho ny fieritreretana. 28Fa raha misy manao aminareo hoe: «Natao fanatitra tamin’ny sampy io,» no aza mihinana, noho ilay nilaza sy noho ny kônsiansy#10,26-30 Noho ilay nilaza, sao malemy izy ka tonga manota, tsy manaraka ny kônsiansiny. Fitiavana ny namana ihany no tsy ahafahanao mihinana; raha tsy izany dia afaka ianao, satria ny kônsiansiny sendra diso fotsiny tsy mahafehy ny fahafahanao.. 29Ny kônsiansy antsoiko amin’izany, dia tsy ny anao, fa ny an’ny hafa; satria ahoana no hifehezan’ny kônsiansin’olon-kafa ny fahafahako? 30Raha misaotra koa aho no mihinana, ahoana no hanomezan-tsiny ahy amin’ny zavatra anaovako fisaorana?

Famaranana

31Koa na mihinana na misotro ianareo, na inona na inona ataonareo, dia ataovy ho voninahitr’Andriamanitra izany rehetra izany. 32Aza manao izay hanafintohina ny Jody, na ny Jentily, na ny Eglizin’Andriamanitra, 33fa toy ny ataoko, dia manao izay hahafaly ny olona rehetra amin’ny zavatra rehetra aho, ka tsy mitady ny ho an’ny tenako, fa ny ho an’ny be sy ny maro, mba ho voavonjy izy rehetra.

Currently Selected:

1Kôrintianina 10: MBC

Highlight

Copy