Zakariya 11
11
Halla ge suwal ge pool ma ne
1Suwal Liban, hage mo viya̰ wak ma,
ya̰ ol na tí mo uwara sedre ma.
2Uwara sipres ma, sṵ me ta,
ago uwara sedre ge siŋli ma gul ya go.
Uwara chen ge ne suwal Basan go ma, sṵ me ta,
ago aŋ murum ge ndu ne day wat na zi to burmi ya go.
3Za̰ me fyaso ge naa ge koyya ma ne,
ago hormo ge nama ne ban ya go.
Za̰ me pyanna ge sonne vya ma ne,
ago nama uwara vya ge rurub ge ne don ne
maŋgaɗam Urdun wak go ma burmi ya swaga.
Naa ge koyya ge kwaɗa ma ne ge sone ma
4Bage ɗiŋnedin Dok ge mbi ne jan mbi go: «Koy gii ge ne mbya suya ma. 5Naa ge a ne yat nama a hun nama be dwatɗa go bama ke sone to, naa ge a ne yat nama uzi ma a jan go: ‹Uwareya hon Bage ɗiŋnedin, i hatɗa gan!› Nama naa ge koyya ma a kwar nama a̰se to. 6Ago mbi mbo gwan kwar naa ge ne suwar pal ma a̰se to bat, ka̰l ge Bage ɗiŋnedin ne. Mbi mbo sot naa dasana ma ta ta, ne bama gan ma to go. Gan mbe ma mbo vḛne suwar kakasak, mbi me, mbi mbo zur ndu a̰me ne nama tok go to bat.»
7Mbi gá koy gii ge a ne mbo ne nama mbo hunna ma. Mbi abe calaŋ ma mbi tok go azi, ge ɗu mbi hon na dḭl «Kwar a̰se» ge may mbi hon na dḭl «Ɓanna.» Go no, mbi gá koy gii ma. 8Saba ge ɗu pul zi, mbi hun naa ge koy gii ge ataa ma. Uwale, mbi me, mbi lwage ne nama, nama sḛ ma me, a hur ne mbi. 9Mbi jan nama go: «Mbi gwan koy aŋ to! Ge ne mbya suya ma nama su, ge a ne mbya hun nama, a hṵ nama, ge ne gá ya ne ndwara ma, nama za ta ta buwal zi.»
10Mbi her mbi calaŋ ge mbi ne ho̰ na dḭl «Kwar a̰se», mbi hál na se ndwara vḛne wak tuli ge mbi ne ke ne pehir ma pet. 11Dam mbe go juju, wak tuli mbe vḛne. Naa ge yat gii ge a ne ka ndil mbi ma, a kwar tyatyat go na fare ge Bage ɗiŋnedin ne ne. 12Mbi jan nama go: «Kadɗa aŋ ɓyare ya, pó me mbi, kadɗa to, ya̰ me baŋ.» A isi bware sile tapolɗu, a hon mbi. 13Bage ɗiŋnedin jan mbi go: «Ne nama ndwara zi, no a mbi yé ne! Mbo ne na mbo hon naa ge ɗeere fool kaal ma!» Mbi abe bware sile tapolɗu mbe ma, mbi mbo ne nama mbo hon naa ge ɗeere fool kaal ma ge zok ge Bage ɗiŋnedin ne zi ya. 14Uwale, mbi gwan hál calaŋ ge azi ge mbi ne ho̰ na dḭl «Ɓanna» se, ndwara caɗe Yuda ma ne Israyela se nama gwan kwar ta ná vya to.
15Uwale, Bage ɗiŋnedin gwan jan mbi go: «Saŋge tene bage koyya ge dale. 16Ago mbi sḛ, mbi mbo teme nama bage koyya ge ɗogle a̰me ya suwal go. Mbo dol na ndwara ɓyare gii ge ne ban ma pe to, na sḛ mbo mbo ɓyare ge jabso ma ya to, mbo zon ge ne ɓó jwaŋ ma to, mbo wal ge sḛ so̰o̰l ma to me. Amma na sḛ mbo gá zam ge sḛ so̰o̰l ma duur, mbo syal nama koo gwap ma uzi me.»
17Woo, bage koyya ge dale
ge ne ya̰ na gii ma!
Ya̰ kasagar na syá na tok,
na agle na ndwara matoson:
na tok keɗe,
na ndwara matoson dame digi.
Currently Selected:
Zakariya 11: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
