Titus Fare pala hageya
Fare pala hageya
Titus a Bulus kon ge temel ne, na sḛ be Yahud ne to, a pehir ge ɗogle ne, ho̰ fareba no (Gal 2:1-3). Bulus teme na mbo suwal Korinte ndwara nṵsi fare ge ne ka bama ne Korinte ma buwal zi (2Kor 7:6-16). Swaga ge ne njaŋge na maktub mbe no, Titus ka suwal Krete go, ago suwal Krete a til ne.
Bulus njaŋge maktub mbe ge del 65 go, ɓanna dagre ne maktub ge zḛ ge ne Timotawus ne, njaŋge nama ge suwal Filibus go. A Zenas ma ne Apollos gene maktub mbe mbo hon na suwal Krete ya ne.
Bulus hon na vya ge Dok zi, Titus yuwaleya ge dir ge naa ge ne mbya kat ga̰l ge zok ge Dok ne zi ma pal (1:5-16). Ge (2:1-15), Bulus yuwale na go na mbya kat ne naa ge ne zok ge Dok ne zi ma gyana gyana de: ndwara go, naa ga̰l ge sabar ma, ne naa zaab ge ga̰l ma, nama ge ne mbya hate naa zaab ge jyale ma, ne bool ma, ne mo̰r ma. Ago Kris ho̰ tene ndwara zur naa pet ne nama sone ma go, ndwara go, nama ɓo ndwara ge giya̰l hon fareba zi (2:14). Ge (3:1-11), Bulus ŋgay na go naa ge Dok ne ma mbya kat swaga halas ne naa pet, nama kuri kaŋ ge ne gene varseya ya ma uzi. A go no, ge (3:12-15) go, hon na moɗegeya ma no pe hini hini ne katɗa ge na ne ga̰l pe.
Ndu ge ne isi maktub ge Titus ne kwa go, yuwaleya ge Bulus ne ho̰ Titus ne ɓase ge Dok ne ma pe inna ma da ne nee pe ma̰ no. Ago fare ge ne ka ɓase ge Dok ne ma buwal zi ge Krete go, ya go nee buwal zi ma̰ ne se no. Go no, naa ge ne mbya ɗame ɓase ge Dok ne ma mbya ame yuwaleya mbe no, a ke temel dimma ne Bulus ne yuwale Titus go.
Currently Selected:
Titus Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.