Kaŋ mballa ge ne waɗe kaŋ mballa ma 4
4
Vya dore
1Mbi kondore, mo kale!
Mo kale ge be to!
Ne ba̰r ge ne la mo pal zi ya,
mo ndwara sarmam dimma ne maale go.
Mo pala susu dimma ne vog ge ɓiya̰#4:1 Ɓiya̰ ge ne Galaad go ma hir pisil, ago vya kale mbe na pala susu pisil twalag dimma ne ɓiya̰ mbe ma go kanna ya na ka̰l pala se. ma ne
ne kan koo ne njal ge Galaad ne digi ya se go.
2Mo kiya̰r ma dimma ne vog ge tame ma ne
ge a gale ne kó nama susu ma kot gale,
ge a ne ndé ne swaga sonna se ya digi go.
Ge daage da ne na kon ge bumurma,
ge ne woɗege be vya to to bat.
3Mo wak wala dimma ne táál ge káál citat go,
Mo wak tuli ge be to.
Ne mo ba̰r lar pala zi ya,
mo gasa ma káál dimma ne uwara grenad ziyar le ɗu go.
4Mo ka̰l dimma ne zok gwale ge Dawda ne go,
vyanna gwalbe cecet.
Ɓiyaar ma dubu a gabeya na ta digi,
ɓiyaar ge gwale hubluk ge naa ge pateya ma ne.
5Mo pam ma jwak a dimma ne ajwag ma azi go,
dimma ne maaɗe bumurma go.
A zam sobre pe.
6Ge go saam ge gasamal ɗage la̰yya,
kaŋ ma soŋgoy sya bama pe so swaga,
mbi mbo mbo njal ge mir ne ya,
ge njal ge sore busur ge dukan ne ya.
7Mbi kondore, kaŋ ge ne mo ta ma mwaɗak a siŋli,
sáso a̰me ne mo ta to!
8Mbi kondore#4:8 Kondore: Ne swaga no go, kondore da ne pool kat gwale giya̰l, ko vya gwale ge a gale ne ke na kondore, amma na dam sanna ga ya gwa., ne njal Liban ya, mbo ya dagre ne mbi!
Ne njal Liban ya, mbo ya dagre ne mbi!
Ka̰ mo koo ne njal Amana pala digi ya se,
ne njal Senir, ne njal Hermon pala digi ya se.
Ya̰ swaga katɗa ge sonne ma ne mbe,
ne njal ge ra̰y ma ne mbe.
9Mbi ná vya ge gwale, mbi kondore,
mo hal mbi dulwak!
Mo ndwara fa̰ ge ne ndil swaga,
ne bahir ge ne mo ka̰l zi gagak, hal mbi dulwak.
10Mbi ná vya ge gwale, mbi kondore,
mo laar wanna siŋli ge be to!
Mo laar wanna kwaɗa gḛ waɗe oyo̰r jiya̰l,
mo num hur tuli gḛ waɗe num naŋge ta ma pet!
11Mbi kondore, mo wak ɓul daaram,
daaram ma ne pam ya mo ɗel pe se.
Mo ba̰r ma hur da ne murum ge Liban ne go.
12Mbi ná vya ge gwale, mbi kondore,
mo gaaso ge wak koleya digi ne,
mam ge wak dibiya,
tub ge wak fetɗa ne.
13Mo tok ma dimma ne gaaso ge uwara grenad ne ma go,
na vya ma siŋli ge be to.
Sugur Hinne ma ne Nar ma don ya na zi,
14ne Nar ma, ne Safran ma, ne kannel ma,
ne Kinamon ma, ɓanna ne uwara ge ke dukan ma pe hini hini,
ne mir ma, ne alowes ma,
ɓanna ne kaŋ ge ke idir ge siŋli ma pe hini hini.
15Mo mam ge gaaso ma ne ne,
tub ge ɗermel jargalak,
ge ne sor ne njal Liban pala digi ya ne.
Vya kale
16Kore digi, saam ge ne kwal ne kuu ya!
Saam ge mbii ge, mbo ya!
Kwa me mbi gaaso pal, na huri ge tuli dasare se!
Mbi ndu ge laar wanna, mbo ya mo gaaso zi,
zá na vya ge siŋli ma!
Currently Selected:
Kaŋ mballa ge ne waɗe kaŋ mballa ma 4: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
