Hosiya 6
6
Tolla ne gwanna ya Dok ta pe
1«Mbo me ya, gwa̰ me nee ya Bage ɗiŋnedin ta!
Ago, na sḛ kacage ne, amma na sḛ mbo zon nee,
a na sḛ ho̰ nee jwaŋ ne, mbo vwal nee jwaŋ ma wak.
2Na sḛ mbo hon nee ndwara dam ge azi ma pul zi,
dam ge ataa go, mbo ɗage ne nee digi,
nee mbo kat ne ndwara na ndwara se.
3Á me nee ta kwa Bage ɗiŋnedin,
zutɗa ge na ne ya zum a ŋgat dimma ne swaga ko̰yya go,
mbo mbo ya nee pal dimma ne mam swarra go,
dimma ne mam swarra ge hṵsi ne swar ya suwar pal go.»
4Efrayim, mbi ke ne mo gyana ɗaa?
Yuda, mbi ke ne mo gyana ɗaa?
Laar wanna ge aŋ ne a dimma ne mbyar ge ne in cya̰wak go,
a dimma ne mbyar ne kan cya̰wak baŋ go.
5Da ne pe, mbi mḛre aŋ ne anabi ma fare janna no,
mbi á aŋ hunna ne fare ge ne ndage ne mbi wak zi ya ma no.
Mbi sarya kunna mbo dyan ya kwaya̰l go.
6Ago, mbi laar wa̰ kwa a̰se, a be tuwaleya to,
kwa Dok waɗe tuwaleya ge tilla uzi ma waɗe#Mat 9:13, 12:7..
Kaŋ kerra ge sone kakatak ge Israyela vya ma ne
7Dimma ne Adam go, aŋ yele wak tuli pala,
a go no, ge aŋ ne boge mbi.
8Galaad a suwal ge naa ge ke ya̰l ma ne ne,
wi da ne swama vinna kaŋ ma ta.
9Dimma ne naa ge fiiri viya̰ ma go,
naa ge tuwaleya ma ɓan ta mbo hun naa viya̰ ge Sichem ne go.
No a kaŋ ge seŋgre ge a ne ke ma ne.
10Ge suwal Israyela go, mbi kwa kaŋ ge sone kakatak ma:
Swaga mbe go Efrayim gá ke kaya,
Israyela há tene seŋgre no.
11Mo Yuda me, a nṵsi dam siyal ya go ne mo pe,
mbo kat swaga ge mbi ne mbo gwan ne mbi naa ge paal ma ja go#6:11 Irm 51:33. Dam siyal ŋgay dam kun sarya ge Dok ne..
Currently Selected:
Hosiya 6: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
