Ibriniya ma 1
1
Dok jan nee fare ma̰ ya Vya zi
(Yoh 1:1-3, Kol 1:15-17, Fil 2:6-11, Ibr 10:12-14)
1Zaŋgal Dok ka jan nee bá ma fare ndwara wowol ne viya̰ ma hini hini ne anabi ma wak zi, 2dam ge hṵsi ma no zi, jya̰ nee fare Vya zi, na ge ne e na bage zam kaŋ ma pet joo, ge ne na ta dó dunya no me#Yoh 1:3.. 3Hormo ge Dok ne ser da ne Vya mbe ta, na dir hene hene dimma ne Dok go, na sḛ mbyale kaŋ ma digi ne pet ne pool ge na fare ne. Swaga ge ne há naa dasana ma harcal ne bama sone ma go, ka ya digi zi ya Dok tok matoson pal, pool ge waɗeya digi ya vew ge na ne zi.
Vya ga̰l waɗe maleka ma
4Vya saŋge ga̰l waɗe maleka ma, ɓó dḭl ge ne waɗe nama dḭl ma. 5Ago ne maleka a̰me Dok be jan ne na go no to bat:
«Mo mbi vya ne,
ma̰ no mbi tó mo ne!»
Uwale, be jan maleka a̰me ɗu go no to bat:
«Mbi mbo kat Bá ne na pe,
na sḛ mbo kat vya ne mbi pe me#Kmb 2:7, 2Sam 7:14.!»
6Uwale, swaga ge ne teme Vya ya dunya zi, jya̰ go:
«Maleka ge Dok ne ma pet nama gu na ndwara se!»
7Amma ne maleka ma pe, jya̰ go:
«Ke ne na maleka ma saam,
ne na dore ma ol ge ɗaabeya#Dwa 32:43, Kmb 104:4..»
8Amma ne Vya pe, jya̰ go:
«O Dok, hool gan ge mo ne a ɗiŋnedin mbo ɗiŋnedin,
mo ɗame ɓase ge mo ne ma dosol zi#Kmb 45:7-8..»
9«Mo laar wa̰ dosol, mo kwane ya̰l kwane,
da ne pe, o Dok, mo Dok naŋge mo ne num ge laar saal no,
tá mo ne mo kaam ma buwal zi no.»
10Jya̰ go uwale:
«A mo, o Bageyal, ge ne pe eya ya day, mo ne dó suwar,
a mo ke digi ne mo tok zi ne#Kmb 102:26-28..
11Nama sḛ ma mbo burmi uzi, amma mo ya go katɗa,
dimma ne ba̰r go, a mbo sabe mwaɗak.
12Dimma ne ba̰r ga̰l go, mo mbo worge nama,
uwale, dimma ne ba̰r go mo mbo er nama.
Amma mo, mo ge ɗu mbe ne, mo del ma á to bat.»
13Be jan ne na maleka a̰me ɗu go no to bat:
«Ka mbi tok matoson pal, ɗiŋ mbi gwa̰ ne mo naa ge ho̰l ma ndalla mo koo se#Kmb 110:1.!»
14Maleka ma pet, a te be o̰yom ma ne temel pe ne to’a? A te teme nama ke temel ne nama ge ne mbya ɓol máya ma pe to’a?
Currently Selected:
Ibriniya ma 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
