Hosea 2
2
1Katangutise angutit imailiorvigisigik: Ammi, tamadja: Inuᴋotikka; ᴋatangutiselo arnat: Ruhama, tamadja: Nâpkigijauvose.
2Kajungersarasuarsiuk anânase, kajungersârasuarsiuk; nuliarilunginapko, tâpsomalo uigilungimanga; assiniarnine pêjarligit kênaminit, anguniarninelo iviângingme akorngangnit;
3Ussertitsiᴋonanga tâpsominga, saᴋᴋijârtilugolo sorlo inûlervingmine ilaungmat, ilingatitsiᴋonangalo tâpsominga sunaᴋajuitotut, nunatut ipterilingajotut itilugo, toᴋolugolo ᴋêdlarnermut;
4Ilâ, ᴋitorngangit nâpkigijomangilakka, anguniarpaktub ᴋitorngaringmagit.
5Anânangat anguniarmat; singailauᴋtoᴋ tâpkoninga kangunartulivoᴋ; oᴋarmat: Anguniaᴋatigijaᴋᴋa maligomavakka, tunitjivigijikka nerᴋiksamnik, imiksamniglo, saukallo merᴋunginik, ilupâksarmiglo, orᴋsumiglo, imiksaniglo.
6Tamanna pivlugo, ahâk, apᴋutiksat kakilautilingnik avaluᴋtâromavara, upkolioromavungalo tâpsomunga, apᴋutiksarsiᴋonago.
7Anguniaᴋatigijanelo udlalârpait, angunagille; ᴋenilârpait nagvârnagille; oᴋalârpoᴋ tagva: uteromavunga uimnut sivorlermut, taipsomane idlugiarpalanersaulaurama mânamit.
8Kaujimalaungimat uvanga tunitjivigilaurapko senaugaksanik, vainemiglo, orᴋsumiglo, avâgigapkolo goldemik silberemiglo, atortanginik Baale adsiliorlugo.
9Tamanna pivlugo senaugaksakka aᴋsârnigarijomalerivakka neliuningane, vainigalo tâpsoma neliuningane, saukamalo merᴋungit, ilupâksaralo, ussinganingata uliksangit, tigûllagomavakka.
10Mânalo kangunarninga ulêromavara anguniaᴋatigijangita takoane, tâpsomingalo piuliklerungnartoᴋalulângilaᴋ aggamnit.
11Aliagijangit tamaita sorairtitsomavakka, uvloᴋsiorvingit, taᴋᴋêlaᴋsiorvingillo, sabbatingillo, katimaviksauᴋojangillo tamaita.
12Napatungillo vaineliksataliksat paungatannaktaliksallo piojungnaititsomavakka, oᴋautigijangit: Akkiliusiarilauᴋtakka tamakkoa, anguniaᴋatima ᴋaitangit; napârtoliksoangortitsomavakka, naternaublo nergjutingita nerᴋiksarilârpait.
13Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.
14Tamanna pivlugo, ahâk, uerisâromavara, tikiutilugolo sunaᴋajuitomut, ilanârnartomiglo oᴋarvigijomavara.
15Tagvangallo tunitjivigijomavara vaineliksataliksanganik, Akoriblo naᴋsanganik nerriungnermut iterviksanganik; tagvanelo imgerlârpoᴋ sorlo inôsungnime uvlungine, sorlolo uvlorme majorarvigilauᴋtangane Egiptenemit.
16Uvlormelo tâpsomane, oᴋarpoᴋ Nâlegaᴋ, atseralârparma: Ishimik, tamadja: uimnik; atserarungnailungalo: Baalimik, tamadja angajoᴋâmnik.
17Baalit attingit pêjaromagapkit ᴋaninganit, attingitigut erᴋaumajaujungnairomârmatta.
18Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.
19Nuliarijomavagillo nâksaungitomut; ilâ, nuliarijomavagit idluarnerme, erᴋartuitsiarnermelo, naglingnermelo, nâpkiningnermelo.
20Nelâgôrnermelo ilâ nuliarijomavagit: Nâlegarlo ilitarilârᴋat.
21Uvlormelo tâpsomane kiojomârpunga, oᴋarpoᴋ Nâlegaᴋ, ᴋilait kiojomârpakka, tâpkoalo nuna kiojomârpât;
22Nunablo senaugaksat kiojomârpait, vainelo, orᴋsorlo; tâpkoalo Jesreele, tamadja: Gudib karngasortangit, kiojomârpât.
23Tâmnalo karngasoromârpara uvamnut nuname; tâmnalo nâpkigijaulaungitoᴋ nâpkigijomârpara; ipkoalo inuᴋutaulaungitut uvamnut oᴋautitsomârpakka: Inuᴋotigivapse; tâpkoalo oᴋaromârput: Gudigivaptigit.
Currently Selected:
Hosea 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
