Dagiti Salmo 95
95
Kanta a Pagdaydayaw
1Umaykayo, ket idaydayawtayo ti Apo!
Kantaantayo a sirarag-o ti Dios a salaknibtayo!
2Dumatagtayo iti sangoananna ket agyamantayo;
Ipaayantayo iti naragsak a kanta a pagdaydayaw kenkuana!
3Ta ti Apo mannakabalin a Dios;
naindaklan nga ari, naturturay ngem amin a didios.
4Iturayanna ti entero a daga,
manipud iti kaunggan a rukib agingga iti kangatoan a turod.
5Inaramidna ti taaw ket kukuana,
uray ti daga sinukog ti imana.
6Umaykayo! Agparintumengtay iti sakaananna,
ket agdaydayawtayo kenkuana.
Agrukbabtayo iti Apo
a namarsua kadatayo.
7Isu#Heb. 3:7-11. #Heb. 3:15; 4:7. ti Diostayo;
datayo dagiti tattaona nga ay-aywananna,
ti arban a tartaraonanna.
Ita nga aldaw, denggenyo ti ibagana:
8“Saankayo#Ex. 17:1-7; Num. 20:2-13. nga agsuksukir,
a kas kadagiti kapuonanyo idiay Meriba;
wen, iti daydi aldaw a kaaddada iti let-ang idiay Masa.
9Sinuotdak sadiay ket pinadasdak,
idinto a nakitada ti inaramidko
nga agpaay kadakuada.
10Uppat a pulo a tawen a naupayak kadagita a tattao.
Isut' gapuna a kinunak,
‘Saan a napudno dagitoy a tattao
dida tungpalen dagiti bilinko.’
11Ngarud,#Num. 14:20-23; Deut. 1:34-36; Heb. 4:3, 5; Deut. 12:9-10. nakapungtotak ket insapatak,
‘Saankayto a sumrek iti daga
a pangtedak koma kadakayo iti inana.’”
Currently Selected:
Dagiti Salmo 95: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
