Hebreo 11
11
Ti Pammati
1No adda pammatitayo, ditay agduadua a pumudno dagiti namnamaentayo ket natalgedtayo nga adda dagiti bambanag a ditay makita. 2Gapu iti pammati, nagun-od dagiti tattao idi un-unana ti yaanamong ti Dios kadakuada.
3Gapu#Gen. 1:1; Sal. 33:6, 9; Jn. 1:3. ta adda pammatitayo, maawatantayo a naparsua ti lubong babaen iti sao ti Dios ket iti kasta, napataud dagiti makita kadagiti saan a makita.
4Gapu#Gen. 4:3-10. ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel,#4 ABEL: Kitaen ti Gen. 4:3-10. agsasao pay laeng uray no natayen.
5Gapu#Gen. 5:21-24 (LXX); Sir. 44:16. ta adda pammati ni Enoc, nailisi iti ipapatay. Nayuli ketdi iti ayan ti Dios, ket awan ti nakasarak kenkuana agsipud ta innala ti Dios. Kuna ti Nasantoan a Surat a sakbay a nayuli ni Enoc, naragsakan ti Dios kenkuana gapu iti inaramidna. 6Ngem no awan ti pammati, saan a mabalin a maparagsak ti Dios. Ta no umasidegka iti Dios, masapul a patiem nga adda Dios a manggunggona kadagiti agsapul kenkuana.
7Gapu#Gen. 6:13-22. ta adda pammati ni Noe, impangagna ti balakad ti Dios maipapan kadagiti bambanag iti masakbayan a dina pay makita. Nagtulnog ket nangaramid iti daong a nakaisalakananda a sangafamiliaan. Gapu iti inaramidna, impakitana a dakes ti lubong ket babaen iti pammati, inawatna ti kinalinteg nga aggapu iti Dios.
8Gapu#Gen. 12:1-5. ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna. 9Gapu#Gen. 35:27. ta adda pammatina, nagnaed a kas ganggannaet iti daga nga inkari ti Dios kenkuana. Nagyan kadagiti tolda agraman da Isaac ken Jacob, isuda a nagkarian met ti Dios. 10Ta paspasungaden idi ni Abraham ti siudad a binangon ken inaramid ti Dios—ti siudad a nabangon iti mataginayon a fondasion.
11Babaen#Gen. 18:11-14; 21:2. iti pammati, naparaburan ni Sara iti gundaway nga agsikog nupay baketen#11 Babaen…baketen: Babaen iti pammati, naikkan ni Abraham iti gundaway nga agbalin nga ama nupay lakayen, ken saan metten a mabalin ni Sara ti agsikog, kuna ti dadduma a manuskrito. agsipud ta nagtalek a tungpalen ti Dios ti inkarina. 12Nupay#Gen. 15:5; 22:17; 32:12. naibilang a kasla natayen ni Abraham, timmaud kenkuana ti adu a kaputotan a kas kaadu dagiti bitbituen sadi langit ken kas kaadu ti darat iti igid ti baybay.
13Nagtalek#Gen. 23:4; 1 Cron. 29:15; Sal. 39:12. amin dagitoy a tattao iti Dios agingga iti ipapatayda. Saanda a naawat dagiti inkari ti Dios, ngem nakita ken pinaspasungadanda dagitoy a kari uray no mabayag pay ti pannakatungpalda. Dida nagaripapa a mangibaga kadagiti tattao a ganggannaetda ket agdaldaliasatda ditoy daga. 14Ta iparangarang dagiti agkuna iti kasta nga agbirbirokda iti bukodda a daga. 15Saan a ti daga a pinanawanda ti pampanunotenda. No ti daga a pinanawanda ti pampanunotenda, adda koma gundawayda nga agsubli. 16Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.
17Gapu#Gen. 22:1-14. ta adda pammati ni Abraham, indatonna ni Isaac nga anakna idi suoten ti Dios. Wen, ni Abraham ti nakaitedan ti kari ti Dios. Sisasagana idi a mangidaton iti kakaisuna nga anakna. 18Daytoy#Gen. 21:12. ti gapuna a kinuna ti Dios kenkuana, “Tumaudto dagiti kaputotam ken ni Isaac.” 19Binigbig ni Abraham a kabaelan ti Dios ti mangpagungar, isut' gapuna nga iti sabali a pannao, naisubli ni Isaac kenkuana manipud ken ni patay.
20Gapu#Gen. 27:27-29, 39-40. ta adda pammati ni Isaac, imbagana kada Jacob ken Esau, “Bendisionannakayto ti Dios iti masakbayan.”
21Gapu#Gen. 48:1-20; Gen. 47:31 (LXX). ta adda pammati ni Jacob, binendisionanna ti tunggal maysa kadagiti annak ni Jose sakbay ti ipapatayna. Nagsammaked ni Jacob iti sarukodna ket nagdaydayaw iti Dios.
22Babaen#Gen. 50:24-25; Ex. 13:19. iti pammati, sakbay ti ipapatay ni Jose, imbagana ti ipapanaw dagiti Israelita idiay Egipto. Imbilinna met ti aramidendanto iti bangkayna.
23Gapu#Ex. 2:2; Ex. 1:22. iti pammati, idi nayanak ni Moises, inlemmeng dagiti dadakkelna iti tallo a bulan. Gapu ta nakitada a nalungpo ti ubing, dida nagbuteng a nangsalungasing iti bilin ti ari.
24Babaen#Ex. 2:10-12. iti pammati, idi nataenganen ni Moises, dina kinayat ti maibilang nga anak ti babai nga anak ti Faraon. 25Kinaykayatna ti makipagsagaba kadagiti tattao ti Dios ngem ti panaglak-amna iti di agpaut a ragsak nga ited ti basol. 26Imbilangna a napatpateg nga adayo ti panagsagaba a maipuon iti Cristo ngem ti amin a kinabaknang ti Egipto agsipud ta kanayon a situturong ti panagkitana iti gunggona iti masakbayan.
27Gapu#Ex. 2:15. ta adda pammati ni Moises, pimmanaw iti Egipto a di nagbuteng iti pungtot ti ari. Dina kinayat ti agsubli ta kasna la kitkitaen ti Dios a di makita. 28Gapu#Ex. 12:21-30. ta adda pammatina, inrugina ti pannakarambak ti Fiesta ti Ilalabas. Pinawarsianna dagiti ridaw iti dara tapno saan a gudasen ti Anghel ni Patay dagiti inauna nga annak dagiti Israelita.
29Gapu#Ex. 14:21-31. ta adda pammati dagiti Israelita, binallasiwda ti Nalabaga a Baybay. Kasda la nagna iti namaga a daga, ngem nalmes dagiti Egipcio idi pinadasda ti bumallasiw.
30Gapu#Jos. 6:12-21. iti pammati, narba dagiti bakud ti Jerico, kalpasan ti panangrikrikos dagiti Israelita iti pito nga aldaw. 31Gapu#Jos. 6:22-25; Jos. 2:1-21. iti pammati, saan a nairaman a napapatay ni Rahab a balangkantis a babai idi napapatay dagiti simmukir iti Dios, agsipud ta siaayat a nangpasangbay kadagiti espia.
32Ituloyko#Uk. 6:11–8:32; Uk. 4:6–5:31; Uk. 13:2–16:31; Uk. 11:1–12:7; 1 Sam. 16:1–1 Ar. 2:11; 1 Sam. 1:1–25:1. pay kadi ti agsarita? Awanen ti tiempok a mangibaga iti pakasaritaan da Gideon, Barac, Samson, Jefte, David, Samuel ken dagiti profeta. 33Babaen#Dan. 6:1-27. iti pammati, pinarmekda dagiti pagarian. Inaramidda ti nalinteg ket inawatda ti inkari ti Dios. Inapputda ti ngiwat dagiti leon. 34Iniddepda#Dan. 3:1-30. dagiti gumilgil-ayab nga apuy. Nalisianda ti pannakapapatay iti kampilan. Nakapuyda ngem pimmigsada. Nagbalinda a maingel iti gubat ket pinarmekda ti buyot dagiti ganggannaet. 35Inawat#1 Ar. 17:17-24; 2 Ar. 4:25-37; 2 Mac. 6:18–7:42. dagiti babbai dagiti napagungar a minatayda.
Saan a kinayat dagiti dadduma ti mawayawayaan. Kinaykayatda ketdi ti maparparigat agingga a natayda tapno mapagungarda iti nasaysayaat a biag. 36Nalalais#1 Ar. 22:26-27; 2 Cron. 18:25-26; Jer. 20:2; 37:15; 38:6. ken nasapsaplit dagiti dadduma. Nakawaran ken naibaludda. 37Nauborda,#2 Cron. 24:21. naragadida a nagkadua, napapatayda iti kampilan. Nagpagnapagnada a sikakawes iti lalat ti karnero wenno kalding. Napanglawda, naidadanesda ken naparparigatda. 38Saan a maikari ti lubong kadakuada! Nagalla-allada kadagiti let-ang ken bantay. Nagigianda kadagiti abut ken rukib ti daga.
39Nagun-od amin dagitoy a tattao ti nasayaat a pakasaritaan gapu iti pammatida! Nupay kasta, dida naawat ti inkari ti Dios, 40ta adda nasaysayaat a plano ti Dios saan laeng a para kadakuada no di pay ket para kadatayo. Panggep ti Dios a kaduatayonto ida nga umawat iti inkarina nga awan ket ti umun-una.
Currently Selected:
Hebreo 11: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
