Genesis 35
35
Bendisionan ti Dios ni Jacob idiay Betel
1Kinuna#Gen. 28:11-17. ti Dios ken ni Jacob, “Agrubbuatka a dagus ta inka idiay Betel ket agnaedka sadiay. Mangbangonka iti altar sadiay nga agpaay iti Dios a nagparang kenka idi intarayam ni Esau a kabsatmo.”
2Kinasao ngarud ni Jacob ti familiana ken dagiti amin a naikuyog kenkuana. “Ibellengyo dagiti didiosen nga adda kadakayo,” kinunana. “Dalusanyo dagiti bagbagiyo kas mayannurot iti alagaden ket agkaweskayo iti nadalus a pagan-anay. 3Pumanawtayo ditoy ket intayo idiay Betel. Mangbangonak sadiay iti altar nga agpaay iti Dios a kadkaduak iti sadinoman a yanko ken tumultulong kaniak iti amin a pakarigatak.”
4Intedda ken ni Jacob dagiti amin a didiosenda ken dagiti aritos nga ar-aramatenda. Inkalina dagitoy iti sirok ti kayo a lugo iti asideg ti Sikem. 5Idi pumanawda, kasta unay ti buteng dagiti tattao kadagiti kabangibang nga ili ket awan ti nakaitured a nangdarup kadakuada. 6Dimteng da Jacob ken dagiti amin a naikuyog kenkuana idiay Luz (a maaw-awagan itan iti Betel) iti daga ti Canaan. 7Nangbangon sadiay iti maysa nga altar ket pinanagananna ti lugar iti El-Betel#7 EL-BETEL: kayatna a sawen, ti Dios ti Betel. agsipud ta nagparang kenkuana ti Dios sadiay idi tinalawanna ni kabsatna. 8Natay ni Debora, ti babai nga agserserbi ken ni Rebecca, ket naitanem iti sirok ti lugo iti abagatan ti Betel. Daytoy ti gapuna a napanaganan dayta a disso iti “Lugo a Nagsangitan.”
9Nagparang manen ti Dios ken ni Jacob kalpasan iti panagsublina manipud Padan-aram ket binendisionanna. 10Kinuna#Gen. 32:28. ti Dios, “Jacob ti naganmo ngem manipud ita, maawagankan iti Israel.” Isut' gapuna nga Israel ti nagan ni Jacob. 11Ket#Gen. 17:4-8. kinuna ti Dios, “Siak ti Dios a Mannakabalin-amin. Maaddaanka iti adu nga annak. Naindaklanto a nasion ti agtaud kenka ket sikanto ti kapuonan dagiti adu nga ari. 12Itedkonto kenka ken kadagiti sumarsaruno a kaputotam ti daga nga inkarik kada Abraham ken Isaac.” 13Ket pimmanaw ti Dios. 14Nangipasdek#Gen. 28:18-19. ni Jacob iti baton-lagip iti lugar a nakisaritaan kenkuana ti Dios, ket inkonsagrarna babaen iti panangbukbokna iti arak ken lana. 15Pinanagananna ti disso iti Betel.
Ti Ipapatay ni Raquel
16Pimmanaw ni Jacob ken ti familiana idiay Betel. Adayoda pay laeng idiay Efrata idi marikna ni Raquel a dumtengen ti panagpasngayna. Napalalo ti rigatna a nagpasikal. 17Kinuna ti partera, “Saanka nga agbuteng, Raquel. Lalaki manen ti ipasngaymo.” Marigatan unayen ni Raquel. 18Dandani mauyosen ti angesna ngem sakbay a nagsatan, pinanagananna ti anakna iti Benoni#18 BENONI: Umasping ti pannakabalikasna iti anak ti panagladingitko iti Hebreo. idinto a pinanaganan ni Jacob iti Benjamin.#18 BENJAMIN: Umasping ti pannakabalikasna iti anak nga agbalinto a nagasat iti Hebreo.
19Natay ni Raquel ket naitanem iti igid ti dalan nga agturong idiay Efrata (ti agdama a Betlehem). 20Nangikabil ni Jacob iti maysa a baton-lagip ni Raquel. Adda pay laeng daytoy a pakakitaan ti nakaitanemanna.
21Intuloy ni Israel (Jacob) ti panagdaliasatna ket nagkampo iti kasumbangir ti torre ti Eder.
Dagiti Annak ni Jacob
(1 Cron. 2:1-2)
22Bayat#Gen. 49:4. ti panagnaed ni Jacob iti dayta a daga, napan kinaidda ni Ruben ni Bilha a maysa kadagiti inkabbalay ni tatangna. Naammoan daytoy ni Jacob ket kasta unay ti pungtotna.#22 ket kasta unay ti pungtotna kuna ti maysa a kadaanan a patarus. Awan daytoy a paset iti Hebreo a teksto.
Sangapulo ket dua a lallaki ti annak ni Jacob. 23Dagiti annakda ken Lea: Ruben, ti inauna, Simeon, Levi, Juda, Issacar ken Zabulon. 24Dagiti annakda ken Raquel: Jose ken Benjamin. 25Dagiti annakda ken ni Bilha a tagabu ni Raquel: Dan ken Neftali. 26Dagiti annakda ken ni Zilpa a tagabu ni Lea: Gad ken Aser. Naipasngayda amin idiay Padan-aram.
Ti Ipapatay ni Isaac
27Napan#Gen. 13:18. ni Jacob idiay Mamre a pagnanaedan ni tatangna nga Isaac ken nagnaedan met idi ni Abraham iti asideg ti Hebron. 28Nadanon ni Isaac ti tawen a 180. 29Lakay unayen idi matay. Da Esau ken Jacob nga annakna ti nangitanem kenkuana.
Currently Selected:
Genesis 35: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
Free Reading Plans and Devotionals related to Genesis 35
Immersion Into Genesis
In the Beginning: A Study in Genesis 27-36
The Book of Genesis
