Genesis 17

Pannakakugit a kas Pagilasinan ti Tulag

1Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin.#1 DIOS A MANNAKABALIN-AMIN: patarus ti “El-Shaddai,” balikas a Hebreo a nalabit “Dios ti Bantay” ti kayatna a sawen. Agtulnogka kaniak ket aramidem a kanayon ti naimbag. 2Makitulagak kenka ket ikkankanto iti adu a kaputotam.”

3Idi nangngegna daytoy, nagpakleb ni Abram iti daga. Kinuna ti Dios, 4“Daytoy ti katulagak: Ikarik nga agbalinkanto a kapuonan ti adu a nasion. 5Saanen#Rom. 4:17. nga Abram ti naganmo no di ket Abraham#5 ABRAHAM: Umasping ti pannakabalikasna iti “nga ama ti adu a nasion” iti Hebreo. agsipud ta pagbalinenka a kapuonan ti adu a nasion. 6Ikkankanto iti adu a kaputotan. Agbalinto nga ari ti sumagmamano kadakuada. Adunto unay ti kaputotam. Ket agbalindanto nga adu a nasion.

7“Agnanayon#Luc. 1:55. daytoy a tulag ket tungpalekto ti karik kenka ken kadagiti sumarsaruno a kaputotam. Siakto ti Diosmo ken ti Dios dagiti kaputotam. 8Itedkonto#Ara. 7:5. kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

9Kinuna ti Dios ken ni Abraham, “Masapul a tungpalem met ti nagtulaganta, sika ken dagiti sumarsaruno a kaputotam. 10Masapul#Ara. 7:8; Rom. 4:11. nga umanamongkayo, sika ken dagiti kaputotam, a makugit ti amin a lalaki kadakayo. 11-12Manipud ita, masapul a kugitem ti ubing a lalaki nga adda walo nga aldawnan, agraman dagiti tagabu a nayanak iti balaymo ken dagiti ginatangmo kadagiti ganggannaet. Daytoy ti pakakitaan nga adda nagtulaganta. 13Masapul a makugit ti tunggal maysa ket daytoy a marka ti bagi ti mangipakita nga agnanayon ti nagtulaganta. 14Saanto a maibilang a taok ti siasinoman a lalaki a saan a nakugit agsipud ta dina tinungpal ti nagtulaganta.”

15Kinuna ti Dios, “Saanen a Sarai ti pangawagmo iti asawam. Manipud ita, Sara#15 SARA: iti Hebreo, prinsesa ti kayatna a sawen. ti nagannan. 16Bendisionakto ket paraburankanto iti anak a lalaki nga ipasngayna. Bendisionakto ket agbalinto nga ina dagiti nasion. Agbalinto nga ari ti sumagmamano kadagiti kaputotanna.”

17Nagpakleb ni Abraham iti daga ngem nagkatawa idi malagipna ti kinalakayna. Kinunana iti bagina, “Makaputot pay ngata ti lalaki a 100 ti tawenna? Aganak pay ngata ni Sara idinto a 90 ti tawennan?” 18Kinunana iti Dios, “Apay a dimo ipalubos a ni laengen Ismael ti agtawid kadagiti sanikuak?”

19Ngem kinuna ti Dios, “Saan. Aganakto ni Sara iti lalaki ket panaganamto iti Isaac.#19 ISAAC: Agkatawa ti kayatna a sawen iti Hebreo. Tungpalekto ti pagtulaganmi ken ni Isaac ken kadagiti kaputotanna. Agnanayon daytoy a tulag. 20Nangngegko ti dawatmo maipapan ken ni Ismael, isu a bendisionakto ket ikkak iti adu a kaputotan. Isunto ti ama ti sangapulo ket dua a pangulo ket pagbalinekto a naindaklan a nasion dagiti kaputotanna. 21Ngem tungpalekto ti tulagko ken ni Isaac nga anakmo nga ipasngayto ni Sara iti kastoy a tiempo inton umay a tawen.” 22Pimmanaw ti Dios kalpasan ti panagsaona ken ni Abraham.

23Iti dayta met la nga aldaw, tinungpal ni Abraham ti imbaga ti Dios. Kinugitna ni Ismael nga anakna ken amin a lallaki iti balayna, tagabu man a nayanak sadiay wenno dagiti ginatangna. 24Siam a pulo ket siam ti tawen ni Abraham idi makugit 25ket sangapulo ket tallo met ni Ismael. 26Nakugitda iti dayta nga aldaw, 27agraman dagiti amin a tagabu ni Abraham.

Currently Selected:

Genesis 17: RIPV

Highlight

Copy