WIDANG SI’ANG ONÉ HI YOHANÉS 7

Ceratus pat-mpulu sebu Ata Oné-Mai Wa’u Israél

7:1-8

1Poli hitu, ita laku patd malékat hesé oné patd bincung de lino. Isé caka pat buru de lino, kudut néka manga ata solok oné tana masa, oné tacik ko oné sanggéd haju. 2Itu kali itan laku cengata malékat bana, tua awo-mai parn mata leso. Hia ba cap de Mori Keraéng ata téing mosé. Ali reweng hitut télés kéta, malékat hitu kepok agu patd malékat haén ata poli tiba kuasa te pandé mbora lino agu tacik, 3“Asi di pandé mbora lino, tacik ko sanggéd haju émé toé di caps lami sa’i gala de sanggéd mendi de Mori Keraéng!”

4Polis toi oné aku sanggéd isé te tiba cap hitu: Ceratus pat-mpulupat sebu atad ata poli tiba cap oné-mai sanggéd wa’u Israél.

5Oné-mai isét poli tiba cap hitu, panga di Yéhuda, campulusua sebu atas;

panga di Rubén campulusua sebus;

panga di Gad, campulusua sebus;

6panga di Asyér, campulusua sebus;

panga di Naftali, campulusua sebus;

panga di Manasyé, campulusua sebus;

7panga di Siméon, campulusua sebus;

panga di Lewi, campulusua sebus;

panga di Isakhar, campulusua sebus;

8panga di Zébulon, campulusua sebus;

panga di Yoséf campulusua sebus;

agu panga di Benyamin, campulusua sebus.

Monggur-Kouk Kéta Lawa

7:9-17

9Poli hitu ita laku: monggur-kouk kétas lawa oné mai néténg wa’u, panga, uku agu curup hesé bolo-mai seriga agu bolo-mai ranga de Anak Jimbal. Sanggéd taung isé paké juba bakoks agu oné liméd cau saung cigir. 10Ali reweng hitut télés kéta, mai taéd,

“Selamak dité hanang oné-mai Mori Keraéng ata lonto éta seriga, agu oné-mai Anak Jimbal!”

11Sanggéd taung malékat hesé léok seriga, sanggéd ata tu’a agu patd kaka. Malékat situ io agu suju bolo-mai seriga hitu agu bong Mori Keraéngs. 12Mai curupd,

“Toé cela, Amén! Sanggéd naring, mengit, nggalas, wali di’a, hiang, kuasa agu mberes hanang latang te Mori Keraéng dité dengkir lén! Amén!”

13Mai réi de cengata oné-mai sanggéd ata tu’a situ agu aku, “Céing isé so’ot paké juba bakoks, agu nia-maid isé?” 14Walé daku, “Mori, ité ata pecingn.” Itu kali mai taé diha agu aku, “Ho’os ata siot poli célad oné-mai susa mésé. Isé poli wewas jubad le dara de Anak Jimbal kudut ciri bakok. 15Itu tara heséd isé bolo-mai seriga de Mori Keraéng agu ngaji wié-lesod oné Mbaru Nggeluk Diha. Itug kali Hia hitut lonto éta seriga, lekap ndéiN kudut sémbéng isé. 16Isé toég manga darem agu masa waé, agu ceres de mata leso toé hena isé. 17Ai Anak Jimbal hitut oné bahi-réha seriga hitu te lami iséy. Hia te émba isé nggere-oné ulu waé ata téing mosé. Mori Keraéng te koso sanggéd lu’u mata disé.”

Currently Selected:

WIDANG SI’ANG ONÉ HI YOHANÉS 7: BMNT

Highlight

Copy