Lucas 3
3
Bautizakuq Juan yachatsikunqan
Mateo 3.1-12; Marcos 1.1-8; Juan 1.19-28
1-2Tiberio shutiyuq César chunka pitsqa watana Romachö rey këkaptinmi chusyaqchö Zacaríaspa tsurin Juanta Teyta Dios willakïninta revelarqan. Tsë witsanmi Judeachö Poncio Pilato gobernador këkarqan. Galileachönam Herodes mandakuq këkarqan. Iturea y Traconite provinciakunachönam Herodespa wawqin Felipe mandakuq këkarqan. Abilinia provinciachönam Lisanias mandakuq këkarqan. Jerusalénchönam Anás y Caifás mandakuq sacerdötikuna këkäyarqan.
3Tsëmi Jordán mayu kuchun markakunapa purirnin Juan willakur nirqan: <<Teyta Dios perdonayäshunëkipaq jutsëkikunata jaqirir bautizakuyë>>.
4Tsënö Juan willakunanpaqmi Teyta Diospa profëtan Isaías qellqashqanchö kënö nin:
<<Juk nunam chusyaq jirkachö qaparipa willakur nin:
<Teyta Dios shamunanpaq nänita altsayë.
Wiksu nänikunata derechayë.
5Urankunatapis pampatsäyë.
Jirkakunatapis parjayë.
Wiksu nänikunatapis derechayë.
Uchkukunatapis pampatsäyë.
6Teyta Dios poderninwan salvashqantam jinantinchö täraq nunakuna rikäyanqa> >>.#Isa. 40.3-5.
7Tsë witsanmi atskaq nunakuna bautizakuyänanpaq Juanman ëwayarqan. Pëkunatam Juan nirqan: <<¡Culebra casta nunakuna! ¡Pitaq qamkunata niyäshurqunki Teyta Diospa castïgunpita safayänëkipaq kashqanta! 8Jutsëkikunata rasunpa jaqishqa karqa Teyta Dios munashqannöna kawayë. Ama yarpäyëtsu Abrahampa castan kayashqëkipita Teyta Dios salvayäshunëkipaq kashqanta. Noqam niyaq: Teyta Dios munarqa kë rumikunatapis Abrahampa castanman tikraratsinmanmi. 9Mana wayukuq montikunata sipinpita muturir ninaman jitëkuqnömi jutsa ruraqkunata castigananpaq Teyta Dios listu këkan>>.
10Tsënö niptinnam nunakuna tapuyarqan: <<Tsënö kaptinqa ¿imatataq rurayäshaq?>> nir.
11Juannam nirqan: <<Ratashnikikuna ishkë kayäpushuptikiqa mana kapuqta qoykuyë. Mikunëkikuna kaptinpis mallaqëkaqkunata qarëkuyë>>.
12Impuestu cobraqkunanam bautizakuq charnin kënö tapuyarqan: <<Rabí, ¿imatataq noqakunaqa rurayäshaq?>>
13Tsënam Juan nirqan: <<Cobrayänëkipaq kashqanpita mastaqa ama cobrakuyankitsu>>.
14Tsënöllam soldädukunapis tapuyarqan: <<Noqakunaqa ¿imatataq rurayäshaq?>>
Pëkunatanam nirqan: <<Ama nunakunapa imankunatapis mälas qochiyankitsu ni ulikurkur tumpayankitsu. Pagayäshushqëkillawan conformakuyë>>.
15Tsënam nunakuna kikinkunallachö kënö niyarqan: <<¿Juantsuraq Teyta Dios kachamushqan Cristo?>>
16Tsënam Juan kënö nirqan: <<Noqaqa yakullawanmi bautizayaq. Jukmi noqapita mas puëdiq shamunqa. Noqaqa manam sirwïtsu pëpa llanqinpa watunta paskanällapaqpis. Pëqa Espíritu Santuwan y ninawanmi bautizayäshunki. 17Trïguta wawyananpaq jorquitan tsarashqanam këkan. Wawyarirnam trïguta wayinman churanqa. Päjantanam imëpis mana upiq ninaman jitëkunqa>>.
18Tsënö nirninnam tukïläyapa nunakunata yachatsirqan Diospa alli willakïninta. 19Tsëpitanam rey Herodesta piñaparqan wawqin Felipipa warmin Herodíasta wätakunqanpita y mas llutankunata ruranqanpita. 20Tsënö piñapaptinpis mas peor mana allita rurarmi Herodes carcelman Juanta llawïkatsirqan.
Jesústa Juan bautizanqan
Mateo 3.13-17; Marcos 1.9-11
21Nunakunata Juan bautizëkaptinmi Jesúspis bautizakurqan. Bautizakur Teyta Diosman mañakïkaptinmi ciëlu kichakäramurqan. 22Tsëmi Jesúsman Espíritu Santu imëka urpënö urämurqan. Tsë höram ciëlupita Teyta Dios kënö nimurqan: <<Qammi kuyë tsurï kanki. Qampitam kushikü>>.
Jesúspa unë castankuna
Mateo 1.1-17
23Kima chunka watayuqnö këkarninnam Teyta Diospa willakïninkunata willakur Jesús qallëkurqan. Pëpaqmi nunakuna yarpäyarqan Josépa tsurin kashqanta.
Joséqa Elípa tsurinmi karqan.
24Elíqa Matatpa tsurinmi.
Matatqa Levípa tsurinmi.
Levíqa Melquipa tsurinmi.
Melquiqa Janapa tsurinmi.
Janaqa Josépa tsurinmi.
25Joséqa Matatíaspa tsurinmi.
Matatíasqa Amóspa tsurinmi.
Amósqa Nahúmpa tsurinmi.
Nahúmqa Eslipa tsurinmi.
Esliqa Nagaipa tsurinmi.
26Nagaiqa Maatpa tsurinmi.
Maatqa Matatíaspa tsurinmi.
Matatíasqa Semeipa tsurinmi.
Semeiqa Josépa tsurinmi.
Joséqa Judápa tsurinmi.
27Judáqa Joanapa tsurinmi.
Joanaqa Resapa tsurinmi.
Resaqa Zorobabelpa tsurinmi.
Zorobabelqa Salatielpa tsurinmi.
Salatielqa Neripa tsurinmi.
28Neriqa Melquipa tsurinmi.
Melquiqa Adipa tsurinmi.
Adiqa Cosampa tsurinmi.
Cosamqa Elmodampa tsurinmi.
Elmodamqa Erpa tsurinmi.
29Erqa Josuépa tsurinmi.
Josuéqa Eliezerpa tsurinmi.
Eliezerqa Jorimpa tsurinmi.
Jorimqa Matatpa tsurinmi.
30Matatqa Levípa tsurinmi.
Levíqa Simeónpa tsurinmi.
Simeónqa Judápa tsurinmi.
Judáqa Josépa tsurinmi.
Joséqa Jonánpa tsurinmi.
Jonánqa Eliaquimpa tsurinmi.
31Eliaquimqa Meleapa tsurinmi.
Meleaqa Mainánpa tsurinmi.
Mainánqa Matatapa tsurinmi.
Matataqa Natánpa tsurinmi.
32Natánqa Davidpa tsurinmi.
Davidqa Isaípa#3.32 Wakin traduccionkunachöqa Jesépa niyanmi. tsurinmi.
Isaíqa Obedpa tsurinmi.
Obedqa Boozpa tsurinmi.
Boozqa Salmónpa tsurinmi.
Salmónqa Naasónpa tsurinmi.
33Naasónqa Aminadabpa tsurinmi.
Aminadabqa Admínpa tsurinmi.
Admínqa Arnípa tsurinmi.
Arníqa Esrompa tsurinmi.
Esromqa Farespa tsurinmi.
Faresqa Judápa tsurinmi.
34Judáqa Jacobpa tsurinmi.
Jacobqa Isaacpa tsurinmi.
Isaacqa Abrahampa tsurinmi.
Abrahamqa Tarépa#3.34 Wakin traduccionkunachöqa Térahpa niyanmi. tsurinmi.
Taréqa Nacorpa tsurinmi.
35Nacorqa Serugpa tsurinmi.
Serugqa Ragaupa tsurinmi.
Ragauqa Pelegpa tsurinmi.
Pelegqa Heberpa tsurinmi.
Heberqa Salapa tsurinmi.
36Salaqa Cainánpa tsurinmi.
Cainánqa Arfaxadpa tsurinmi.
Arfaxadqa Sempa tsurinmi.
Semqa Noépa tsurinmi.
Noéqa Lamecpa tsurinmi.
37Lamecqa Matusalénpa tsurinmi.
Matusalénqa Enocpa tsurinmi.
Enocqa Jaredpa tsurinmi.
Jaredqa Mahalaleelpa tsurinmi.
Mahalaleelqa Cainánpa tsurinmi.
38Cainánqa Enóspa tsurinmi.
Enósqa Setpa tsurinmi.
Setqa Adánpa tsurinmi.
Adánqa Teyta Diospa kamashqanmi.
Currently Selected:
Lucas 3: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
