Juan 17

Teyta Diosta Jesús mañakunqan

1Tsënö nirirmi ciëluta rikarkur Jesús kënö nirqan: <<Teyta, hörä chäramushqanam.#17.1a Hörä chäramushqanam nirqa wanunanpaq kawarimunanpaq kashqantam nirqan. Tsuriki këkaptïqa glorifiquëkallämë#17.1b Glorifiquëkallämë nishqanqa kawarirkatsimar ëllukarkallämë y llapanpaqpis puëdiq kanäpaq churëkallämë ninanmi.. Tsënöpam noqapis glorificashqëki#17.1c Noqapis glorificashqëki nishqanqa noqa kawarimuptïmi nunakuna Teyta Diosta alabayanqa ninanmi.. 2Llapan nunakunachö puëdiq kanäpaqmi churamarqunki. Tsëmi puëdiq këkä podernïman churamushqëki nunakunata wiñë kawëta qonäpaq. 3Wiñë kawëyuqkunam qamta reqiyäshunki y noqatapis reqiyäman. Tsënöpam käyiyan japallëki Dios kashqëkita y noqata kachamanqëkita.

4<<Nunakuna alabayäshunëkipaqmi llapan nimashqëkikunata kë patsachö cumplirqü. 5Teytallä, kë patsa manaraq kaptin lädïkichö puëdiq kashqänö kananpis puëdiq kanäpaq pushakallämë.

6<<Imanö kashqëkitapis discïpulükunata musyatsirqümi. Qampa kayaptinmi pëkunata akrarir podernïman churamurqunki. Tsëmi willakïnikita willapaptï cäsukuyashqa. 7Kananqa llapan yachatsishqäkuna y rurashqäkuna qam munashqëkinölla kashqanta musyayannam. 8Llapan nimashqëkitam pëkunata yachatsirqü. Tsëmi yachatsikushqäkunata chaskikur qampita kë patsaman shamushqäta käyikuyashqa.

9<<Manam llapan nunakunapaqtsu mañakëkämü, sinöqa discïpulükunallapaqmi. Qampa kayaptinmi pëkunata podernïman churamurqunki. 10Llapanpis noqaman markäkuqkunaqa qampam y qamman markäkuqkunapis noqapam. Discïpulükuna noqaman markäkuyanqanpitam nunakuna käyikïkäyan noqata kachamanqëkita. 11Kë patsapita qam kaqman kutikamuptïpis pëkunaqa kë patsachöran këkäyanqa. Santu Teyta Dios, noqantsik juknölla kashqantsiknö pëkunapis juknölla kayänanpaq tsapëkullë.

12<<Makïman churamushqëki nunakunatam [kë patsachö] shumaq rikarqü. Tsënö rikaptïmi mëqanpis oqrakashqatsu. Jukllëllam Satanás munashqanta rurar oqrakashqa. Tsënö pasashqa Teyta Diospa palabran cumplikänanpaqmi.#Sal. 41.9; Juan 13.18.

13<<Kananqa qam kaqmannam kutikamushaq. Kë patsachömi discïpulükunata yachatsirqü noqa kushishqa kashqänö pëkunapis kushishqa kawayänanpaq. 14Willakïnikita willapaptïmi chaskikuyashqa. Munashqëkita rurashqänö pëkunapis rurayaptinmi mana cäsushuqniki kaqkuna chikiyan. 15Chikiyaptinpis manam kë patsapita pushakunëkipaqtsu mañakuq, sinöqa Satanáspita tsapëkunëkipaqmi. 16Makikichö kashqänömi pëkunapis makikichöna këkäyan.

17<<Willakïnikiqa rasun kaqmi. Willakïniki nishqannö kawayänanpaq yanapëkullë. 18Kë patsaman kachamashqëkinöllam pëkunatapis munashqëkita rurayänanpaq kachëkä. 19Nimashqëkinöllam llapantapis cumplikä. Tsënöpam noqata rikäyämar pëkunapis nishqëkikunata cumpliyanqa.

20<<Manam discïpulükunallapaqtsu mañakamü, sinöqa willakuyashqanta chaskikur noqaman markäkamuqkunapaqpis mañakamümi. 21Teyta, noqantsik juknölla kashqantsiknö kikinkunapurapis y noqantsikwanpis juknölla kawayänanpaq yanapëkullë. Tsënö kawayashqanta rikarmi wakin nunakunapis käyikuyanqa kachamashqëki Cristo kashqäta.

22<<Käyitsimashqëkinöllam willakïnikita käyitsirqü. Tsënöpam noqantsik juknölla kashqantsiknö pëkunapis juknölla kayanqa. 23Juknöllam pëkunawan kä y qampis noqawan juknöllam kanki. Tsënöpam pëkunapis juk shonqulla kuyanakur kawayaptin kachamashqëki Cristo kashqäta nunakuna käyikuyanqa. Tsënöllam käyikuyanqa noqata kuyamashqëkinö pëkunatapis kuyashqëkita.

24<<Teytallä, makïman churamushqëkikuna noqawan kayänantam munä. Nöpächö karmi rikäyämanqa puëdiq kanäpaq churamashqëkita. Kë patsata manaraq kamarmi kuyamarnï puëdiq kanäpaq churamarqëki.

25<<Teytallä, mana cäsushuqniki nunakuna manam qamta reqiyäshunkitsu. Tsënö kaptinpis noqaqa reqiqmi. Tsënöllam makïman churamushqëki nunakuna musyayan kë patsaman kachamashqëkita. 26Qampa willakïnikitam yachatsirqü. Tsënöllam imëpis yachatsishaq noqawan juknölla kawayänanpaq y noqata kuyamashqëkinö pëkunapis kuyanakuyänanpaq>>.

Currently Selected:

Juan 17: qwhB

Highlight

Copy