2 Pedro 3

Jesucristo kutimunanpaq kanqan

1Kuyë wawqikuna y panikuna, këwanqa ishkë kutinam cartakëkämü. Ishkan cartachöpis alli kawayänëkipaqmi käyitsiyaq. 2Tsënöllam käyitsiyaq santu profëtakuna willakuyashqanta, salvamaqnintsik Señor Jesucristupa mandamientunta mana qonqayänëkipaq. Tsë mandamientutaqa apostolninkunam yachatsiyäshurqëki.

3Ushanan junaqkunachö Diosta mana cäsukuq nunakuna yurimunanpaq kashqanta musyayë. Tsë nunakunam asipäyäshurniki#2Tim. 3.1-5; Jud. 18. 4niyanqa: <<¿Imanirtaq Jesucristo <kutimushaqmi> nïkur kutimuntsu? Pëwan puriqkunapis shuyäkïkarllam wanukuyashqa. Kë patsapis qallëkushqanpita kashqannöllam këkan>>.#Eze. 12.22.

5Tsënö niqkuna manam musyayantsu kë patsatapis ciëlutapis Teyta Dios <<tsëkuna kayätsun>> nirlla kamashqanta. Kamariptinmi yaku rurinpita patsa yarqamurqan.#Gén. 1.6-9; Sal. 24.2. 6Tsëpitanam kë patsata diluviuwan ushakätsirqan.#Gén. 7.11. 7Tsënöllam juiciu junaqchö Teyta Dios niptinlla kë patsa, inti, killa y llapan qoyllurkunapis ninawan ushakäyanqa. Tsë junaqmi jutsa ruraq nunakunapis ushakäyanqa.

8Kuyë wawqikuna y panikuna, shumaq käyikushun: Teyta Diospaqqa juk junaqllam juk waranqa (1,000) watanö y juk waranqa watanam juk junaqnölla.#Sal. 90.4. 9Tsënö këkaptinqa ama wakin nunakunanö yarpäshuntsu Señornintsik Jesucristo mana kutimunanpaq kashqanta. Pëqa manam munantsu pipis jutsanllachö wanunanta. Tsëmi pacienciakur shuyarëkan jutsa rurëta jaqiriyänanta.#Eze. 18.23; 33.11.

10[Paqaspa] mana mäkïllapa suwa shamuqnömi Señor Jesucristupis shamunqa.#Mat. 24.43; Luc. 12.39; 1Tes. 5.2; Apoc. 16.15. Pë shamuptinmi intipis, killapis y llapan qoyllurkunapis mantsakëpaq ninawan llutëpa rawrar ushakäyanqa. Tsënöllam kë patsapis y kë patsachö kaqkunapis rawrar chipyëpa ushakanqa.

11Llapan imëkapis ushakänanpaq këkaptinqa jutsata mana rurashpa Teyta Dios munashqannö santu kawayë. 12Tsënö kawar shuyakïkäyaptikim Teyta Dios juzganan junaq rasllana chämunqa. Tsë junaqmi intita, killata y qoyllurkunatapis nina rawrar ushanqa. Tsënöllam llapan imëkapis tsullur ushakanqa. 13Noqantsikqa Teyta Dios änikushqannöllam mushuq ciëlutawan mushuq patsata shuyäkïkantsik. Tsëchöqa Teyta Dios munashqannömi llapanpis alli kanqa.#Isa. 65.17; 66.22; Apoc. 21.1.

14Tsëmi kuyë wawqikuna y panikuna, tsëkunata shuyäkïkarqa jutsa rurëkunata jaqirir pïmëwanpis allina kawakuyë. Tsënöpam Jesucristo kutimur jutsannaqtana tariyäshunki. 15Yarpäyë Señornintsik Jesucristo imanir manaraq kutimushqanta. Pëqa shuyarëkan nunakuna salvakuyänantam. Tsëtaqa kuyë wawqintsik Pablupis Teyta Dios käyitsiptin qellqashqam. 16Llapan cartankunachömi tsëta qellqarqan. Tsë cartankunachö sasa käyiyänanpaq kaptinmi yachaq tukuqkuna y janan shonqulla markäkuqkuna jukläyaman llutanta yachatsiyan. Tsënöllam Teyta Diospa palabranchö wakin kaq yachatsikïkunatapis mana allinmanpa yachatsiyan. Tsë nunakunaqa infiernuchömi jipayanqa.

Cartapa ushanan

17Kuyë wawqikuna y panikuna, kë nishqäkunata musyëkarnaqa paqtam chaskiyankiman llutan yachatsikuqkunapa yachatsikïninkunata. Teyta Diosman alli markäkïkäyashqëkichö paqtam qepaman kutikuyankiman. 18Tsëpa rantinqa waran waran käyikuyë ankupäkuq y salvakuq Señornintsik Jesucristo munashqannö kawakuyänëkipaq. ¡Pëta kananpis y imëyaqpis alabëkushun! Tsënö katsun.

Currently Selected:

2 Pedro 3: qwhB

Highlight

Copy