1 Juan 5
5
Teyta Diospa Tsurinman markäkunantsikpaq ninqan
1Jesús salvamaqnintsik Cristo kashqanta creyiqkunaqa llapanpis Teyta Diospa wamranmi kayan. Teyta Diosta kuyarqa wamrankunatapis kuyantsikmi. 2Wamrankunata kuyashqantsiktaqa musyantsik Teyta Diosta kuyar mandamientunkunata cäsukurmi.
3Teyta Diosta kuyarqa mandamientunkunatam cumplintsik.#Juan 14.15; 2Juan 6. Mandamientunkunata cumpliqa manam sasatsu.#Deut. 30.11; Mat. 11.30. 4Tsënö këkan Teyta Diospa wamrankuna Satanásta vencishqa kayaptinmi.#Juan 16.33. Teyta Diosman markäkurmi pëta vencintsik. 5¿Pitaq Satanásta vencin? Jesucristo Teyta Diospa Tsurin kashqanta creyiqkunallam.
Jesucristo salvamaqnintsik kanqan
6Jesucristo Diospa Tsurin kashqantaqa musyantsik bautizakushqan höra wamran kashqanta Teyta Dios nimushqa kaptinmi#Mat. 3.17; Juan 1.31-34. y yawarninta ramar wanushqa kaptinmi.#Mar. 15.39. Manam bautizakuptin Teyta Dios nimushqa kaptinllatsu musyantsik, sinöqa yawarninta ramar wanushqa kaptinmi. Jina Diospa Tsurin kashqanta musyantsik Espíritu Santu käyitsimashqam. Y Espíritu Santu käyitsimashqantsikqa rasun kaqllam.
7Jesucristo Diospa Tsurin kashqantaqa musyatsimantsik [ciëluchö këkaq] kima testïgukunam. [Tsë testïgukunaqa këkäyan Teyta Diosmi, Tsurin Jesucristum y Espíritu Santum. Pëkunaqa kimaq karpis jukllëllam këkäyan. 8Tsënöllam kë patsachöpis kima testïgukuna musyatsimantsik.] Tsë testïgukuna këkäyan Espíritu Santu, Jesucristo bautizakushqan y wanur yawarninta ramashqanmi. Tsë kima testïgukuna tsëllatam musyatsimantsik.
9Nuna willapämashqantsikta creyikarqa Teyta Dios nimashqantsiktaran masqa creyishwan. Tsurin Jesucristupaq Teyta Dios nimashqantsikqa nunakuna willapämashqantsikpitapis mas creyipaqmi.#Juan 5.32-37; 8.18. 10Jesucristo Diospa Tsurin kashqanta creyiq kaqqa Teyta Dios käyitsishqantapis creyinmi. Jesucristo Diospa Tsurin kashqanta mana creyiq kaqqa Teyta Dios käyitsishqantapis manam creyintsu. Mana creyirmi Teyta Diosta manakaqpaq churan.
11 Wiñë kawëta qomashqantsiktam Teyta Dios käyitsimarquntsik. Tsë kawëtaqa tarintsik Tsurin Jesucristuta chaskikurmi. 12Teyta Diospa Tsurinta chaskikuq kaqqa wiñë kawëtam tarin. Mana chaskikuq kaqqa tsë kawëta manam tarinqatsu.#Juan 3.36.
Cartapa ushanan
13Teyta Diospa Tsurinman markäkuyaptikim kë cartata apatsimü wiñë kawëta tariyashqëkita musyayänëkipaq.#Juan 20.31.
14Sitsun Teyta Dios munashqannö imatapis mañakushun, wiyamäshunmi. 15Sitsun musyantsik imatapis mañakushqantsikta Teyta Dios wiyamashqantsikta, musyëkantsiknam mañakushqantsiknö yanapamänantsikpaq kashqanta.#Mat. 7.7-11; Luc. 11.9-13; Juan 15.7, 16; 16.23-24; 1Juan 3.21-22.
16Markäkuq mayiki jutsata rurashqanta mëqëkipis musyarqa pëkunapaq Teyta Diosta mañakuyë. Perdonananpaq kaq jutsa kaptinqa Teyta Dios perdonanqam. Mana perdonananpaq kaq jutsa kaptinqa ama mañakuyëtsu.#Jer. 7.16; 14.11-12; Mat. 12.31-32; Heb. 6.4-6; 10.26. 17Mana alli rurëqa llapanpis jutsallam. Tsënö kaptinpis Teyta Dios mana perdonananpaq kaq jutsapis kanmi.#5.17 Mana perdonananpaq kaq jutsaqa jutsa rurëta mana jaqirishqanmi. Tsë jutsa rurëllachö kakuq nunaqa manam Teyta Diosta perdonta mañakuntsu. Jutsanpita llakikur perdonta mañakuptinqa Teyta Dios perdonanqam (1Juan 1.9).
18Musyantsikmi Teyta Diospa wamran kar jutsata rurar mana kawashqantsikta. Teyta Diospa Tsurin Jesucristum Satanáspita tsapëkämantsik.
19Musyantsikmi Teyta Diospa wamran kanqantsikta. Tsënöpis musyantsikmi llapan kë patsa Satanáspa munëninchö kashqanta.
20Musyantsikmi Teyta Diospa Tsurin Jesucristo kë patsaman shamur Teyta Diosta reqinantsikpaq käyitsimashqantsikta. Tsëmi Teyta Diospa y Tsurin Jesucristupa makinchö kawëkantsik. Jesucristuqa kikin Diosmi. Pëmi wiñë kawëta qomantsik.#Juan 17.3.
21Kuyë wamralläkuna, ima ïdulukunamanpis ama markäkuyëtsu. [Tsënö katsun.]
Currently Selected:
1 Juan 5: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.