Salmos 42
42
LIBRO II
(Sal 42–72)
Wika Yuusain enentaimsan pujajai timau
Coré uchiri aina poeman pachis jintinkartuamu
1Jápa kitamak etsan umartasa
eauwa numamtuk
Wina Yuusru, wika amina eajme.
2Shuar kitamak umartasa entsan eauwa numamtuk,
Yuus iwáku pujuwa nujai pujustasan wakera asan nina aujeajai.
¿Urutaik Yuus ememattasa iruuntai jeanam wayancha ataksha ememattinaitja? tu enentaimsan pujajai.
3Tuma asan tsawai, tura káshisha útu pujajai.
Tumakai shuar aina inintainak:
¿Amina Yuusrumsha tui pujawa? turutainawai.
4Tuinakai nuna enentaimsan wake mesemar nekapeakun:
Yaunchukka shuar aina,
Yuus ememattasa iruuntai jeanam
wii yaruasa ejémapi shir anenak Yuusan emematiarmiaya tu enentaimjai.
¡Yuus iruuntra emematmauka shir pegkeraiti!
5¿Urukamtaig wake mesemrasha enentaimtaja?
Wii wake mesemar enentaimmainka atsawai.
Wika Yuus uwemtikartina nuig enentaimsan pujau asan
ima ninak ememattatjai.
6Shir aneasan pujuschamnau nekapeakun
wake mesemar nekapeajai.
Tumakun nain Hermónnum
tura nain Misar tutainam
entsa Jordánka nujinchi jinarmaunam pujusan
amini ima senchi enentaimjai.
7Tura ame najankamu aina
nainnum wajasa antam entsa nujinchi chichiram,
tuna netau uutmauri ashammain jawa numamtuk wii waitamuka wantiniawai.
8Turasha wina apurka kashi kashinig
nina anegkrattairijai yaintui.
Turuta asamtai
wina Yuusur iwáku pujutan surina nuna emematkun káshisha kantamrakun, nuiyasha aujkun mijamtsuk pujajai.
9Tumakun wina Yuusur
wina ayamrutna nuna chicharkun:
¿Urukamtai winasha kajinmatruknume?
Wina kajertin aina wina pegkerchau amajtukartasa pataturainakaisha
¿urukamtai wake meseknasha wekasatja?
10Wina kajertin aina wishikruinak:
¿Amina Yuusrumsha tui pujawa? tusa tuke turutainawai.
Imatrutaina asarmatai wina ukunchruka ashi najamturainawai.
11¿Urukamtaig wake mesemrasha enentaimtaja?
Wii wake mesemar enentaimainka atsawai.
Wika Yuus uwemtikartina nuig enentaimsan pujau asan
ima ninak ememattatjai.
Currently Selected:
Salmos 42: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
