Génesis 7
7
Yumi yututan nagkamnamu
1Tumamtai Yuus Noén chicharuk: Ameka chikich shuar aina tunaun takaina antsuk, wii wakeramu metek umikume. Tuma asam yamaika amina jeemin matsataina nujai arcanam ashi egkematarma. 2Tumakum ashi kuntin yutai ainaka siete aishmag, siete nuwajai irumram chumpiata, antsu yuchatai ainaka aishmag, nuwajai apatkam chumpiata. 3Tura nanamtin aina nusha siete aishmag, siete nuwajai irumram chumpiata, tusa tinaiti.
4Siete tsawan jeaamtai yumin yutumtikattajai. Nutikam nui nagkamas cuarenta tsawan, tura káshisha imanisag cuarenta káshi yutuktatui. Tumamtai wii najankamu aina ju nugkanam matsataina nuka ashi jinaattawai, tusa tinaiti. 5Yuus timaun turusag Noé umikuiti.
6Entsa nujagkrua nugkan ashi amurua nuka, Noé seiscientos uwí ejé pujai tumawaiti. 7Noéka yumi yutuk nujagkruatin asamtai uweemrattsa nina nuwe, nina uchiri aina, tura nina uchiri nuwe ainajaimak arcanam egkemawaiti.
8-9Tura Yuus timaun imatiksag uminak: Kuntin yutai aina, yuchatai aina, nanamtin aina, nugka japinas wekain ainajaimak aishmag nuwajai arcanam Noéjai chumpimawaru ainawai. 10Arcanam chumpimawar, siete tsawan ejémtai yumi yututan nagkamnawaiti. Tura nujagkrutnasha nagkamawaiti. 11Noé seiscientos uwí ejé pujai chikichik nantu nuiya diecisiete tsawan jeaamtai, yumi nayaimpinmaya yutak tuna uruka imanina. Tura nugkanmayasha entsa jiintraruiti. 12Tura cuarenta tsawan, cuarenta káshi ishichkisha chiwatsuk yutukuiti. 13Nu tsawantinka: Noé, nina nuwe, nina uchiri aina Sem, Cam, Jafet, nina uchiri nuwe ainajaimak arcanam egkemawaiti. 14-15Shuar ainajai, ashi kuntin aina, tagku aina, japinas wekain aina, tura nanamtin ainasha jimar jimar chumpimawaruiti. 16Yuus, Noén tina tumasag kuntin ainaka aishmag nuwajai chumpimawaruiti. Tumamtai arca waitirin Yuus epennaiti.
17Turamtai yumi yututan nagkamna ishichkisha chiwatsuk cuarenta tsawan yutu au asamtai, entsa nujagkrak arca kukar tepettamaun inanminaiti. 18Entsa nujagkramun nagkanchau asamtai, arcasha takunki jasuiti. 19Imatma asa, mura uun tsakaru ainancha ashi amuruiti. 20Mura ainan amur siete metros nagkankauwaiti. 21Imatma asamtai shuar ainaka ashi jinaawaruiti. Tura nanamtin aina, kuntin aina, tagku aina, tura japinas nugka wekain ainasha tumasag jinaawaruiti. 22Tura nugkanam matsamin aina nuka ashi jinaawaruiti. 23Turasha Noéjai arcanam chumpimawaru aina nuka jinaacharuiti. 24Entsa nujagkrua nugkan amur ciento cincuenta tsawan asauwaiti.
Currently Selected:
Génesis 7: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.