Salmos 92
92
1Hneˉ DSAˉJØ̱Ø̱Hˈ kya̱a̱nꜙ, lluꜗ gaˊ heˉ häˊ jnäähˈ kyahꜗ.
Lluꜗ gaˊ heˉ häˊ jnäähꜗ salmo kyahꜗ hneˉ hi̱ˉ gyaꜗ gyʉʉhˈ.
2Taꜙlaꜙ tiih˜ hlëëhˊ jnäähꜗ heˉ hnaahꜙ dsaˉ
hiꜙ miˉtehˋ baˊ hneˉ juuˈ kyahꜗ.
Hiꜙ läꜙja̱ˉ jmeeˊ jnäähˈ taꜙlaꜙ hwëˈ kaˉlähꜘ.
3Häˊ jnäähꜗ kyahꜗ kya̱a̱hˊ tu̱ˉ heˉ chooˈ gyaꜗ sɨˊñeꜗ,
hiꜙ kya̱a̱hˊ tu̱ˉ kaˉlähꜘ,
hiꜙ läꜙja̱ˉ kya̱a̱hˊ tu̱ˉ heˉ chooˈ chaˉmiihˉ sɨˊñeꜗ.
4Jëëhꜘ maˉjmeehˊ cha̱a̱nˉ lluꜗ kya̱a̱hˊ läꜙjëꜙ heˉ jmeehˉ.
Peerꜙ jë̱ë̱ˉ dsënꜙ kihꜗ läꜙjëꜙ taˊ kyahˈ.
5Hneˉ DSAˉJØ̱Ø̱Hˈ kya̱a̱nꜙ,
heˉ baˊ cheˉ jʉhˉga̱a̱ˉ laꜗ taˊ heˉ jmeehˉ.
Haˉ ko̱hꜘ hʉʉˊdsëˉ saꜙ chaˉ kyahꜗ heˉ saꜙ të̱ë̱nꜗ läꜙngëënꜘ.
6Niꜙ hi̱ˉ ta̱a̱ˉ niꜙ hi̱ˉ saꜙ chaˉ hʉʉˊdsëˉ kihꜗ saꜙ läꜙngëëꜘ heˉ laˉ.
7Dsaˉläˉjnäꜘ hi̱ˉ hñaaˉ dsëꜗ la̱a̱yꜗ läꜙko̱o̱ˉ waˊnuuˉ.
Läꜙjë̱ë̱ꜙ hi̱ˉ jmeeꜙ heˉ hlɨɨhˈ cha̱a̱yˉ lluꜗ,
la̱a̱yꜗ läꜙko̱o̱ˉ waˊleꜗ, pero ja̱ˉ ji̱i̱hˈ he̱e̱yꜘ goˉte˜ baˊ ja̱ˉ.
8Pero hneˉ DSAˉJØ̱Ø̱Hˈ kya̱a̱nꜙ,
läꜙ maˉla̱a̱hꜗ ja̱ˉbaˊ hneˉ jø̱ø̱hˈ.
9Läꜙjë̱ë̱ꜙ hi̱ˉ naˉhøøhˊ kyahˈ hneˉ DSAˉJØ̱Ø̱Hˈ kya̱a̱nꜙ,
läꜙjë̱ë̱ꜙ hi̱ˉ heꜘ he̱e̱ꜘ goˉte˜.
Läꜙjë̱ë̱ꜙ hi̱ˉ jmeeꜙ heˉ hlɨɨhˈ sa̱ˊjñeeyꜘ.
10Pero hneˉ kwahˈ chaˉmiihˉ beꜘ kinꜙ
mahꜗ läꜙbe̱e̱nꜘ läꜙko̱hꜘ ja̱a̱ˉ kyaˊ dsooˈ.
Ta̱a̱hˈ jnäꜘ aceit heˉ naˉjø̱ø̱ꜚ.
11Kya̱a̱hˊ mɨˊnënꜙ jëënꜚ
haˉ läꜙ jäꜙ heˉ wɨɨꜘ nëˊ kihˈ läꜙjë̱ë̱ꜙ hi̱ˉ naˉhøøhˊ kinꜙ.
Hiꜙ kya̱a̱hˊ toˉgwanꜙ nuunˋ
haˉ läꜙ kɨˊhoohꜗ hi̱ˉ hñaaˉ dsëꜗ heꜘ.
12Pero taˊ kihˈ hi̱ˉ llu̱u̱ꜗ, dsaˉkwa̱a̱ꜙ läꜙko̱hꜘ dsaˉkwa̱a̱ꜙ hmaˉsu̱ꜗ,
hiꜙ läꜙko̱hꜘ chahˈ hmaˉñihˊ heˉ chaˉ mohꜘ Líbano.
13Laꜗ kiyhꜗ läꜙko̱hꜘ chahˈhmaˉ heˉ naˉjnääˊ nehꜙ gwahꜙ kihꜗ DSAˉJØ̱Ø̱Hˈ kya̱a̱nꜙ.
Kooꜘ kihꜗ Dio ka̱yꜗ yaˊjøøꜚ.
14Maꜙkeꜙ maˉgyu̱yhˉ,
läꜙ maˉngooꜗ ja̱ˉbaˊ jmeeyꜙ heˉ lluꜗ jmahꜗ.
Laꜗ läꜙko̱hꜘ chahˈhmaˉ maˉgyu̱hˉ heˉ hɨɨˉ mɨɨˈ tä̱ä̱ꜘ,
jëëhꜘ saꜙ lla̱a̱ꜙ beꜘ kihꜗ, niꜙ saꜙ läꜙki̱i̱ˉ ji̱hˊko̱hꜘ.
15Heˉja̱ˉ kwayꜙ juuˈ, jäyhꜙ:
“Dio hi̱ˉ la̱a̱ꜗ beꜘ kinꜙ jmeeyꜙ heˉ lluꜗ jmahꜗ baˊ,
niꜙ miihˉ saꜙ dsaˉhlä̱ä̱yhꜙ.”
Currently Selected:
Salmos 92: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
