Salmos 142
142
1Ki̱ˉga̱a̱ˉ chu̱u̱nꜘ kya̱a̱hˊ DSAˉJØ̱Ø̱Hˈ jnänˋ.
Hoohnˊ ki̱i̱ˉ heˉ ngɨɨnˊ heˉ läˉñihꜘ dsëyꜗ jnäꜘ.
2Toohnꜚ gooyˉ läꜙjëꜙ heˉ cha̱a̱nˉ.
Miˊjnäänꜗ kiyhꜗ läꜙjëꜙ heˉ lliꜘwɨɨꜘ heˉ dsaˉngëënꜘ.
3Läꜙko̱o̱ˉ maˊ ngooˈ gaꜙhwa̱a̱nꜘ,
kyu̱u̱h˜ baˊ hneˉ haˉ läꜙ dsaˉngëënꜘ,
haˉ läꜙ jmeeyꜙ kinꜙ hɨɨyˉ läꜘ
jeeˊ naˉhmääˊ taꜙ jwëꜘ jeeˊ ngënꜙ.
4Jëëˋ daˊ taꜙ jwooˈ raˉllu̱u̱ꜗ kinꜙ,
saꜙ cha̱a̱ˉ niꜙ ja̱a̱ˉ hi̱ˉ kye̱ˉ hʉʉˊdsëˉ kinꜙ.
Saꜙ chaˉ jeeˊ hmäähnˊ, saꜙ cha̱a̱ˉ niꜙ ja̱a̱ˉ hi̱ˉ hä̱ä̱ꜗ jnäꜘ.
5Kya̱a̱hˊ hneˉ baˊ chu̱u̱nꜘ DSAˉJØ̱Ø̱Hˈ kya̱a̱nꜙ.
Jwë̱ë̱hnꜚ hneˉ: “Hneˉ hi̱ˉ chehꜗ nëˊ kinꜙ.
Ja̱a̱ˉ hneˉ baˊ cha̱a̱hˉ kinꜙ taˊko̱ˉji̱i̱hˈ gyanˊ jmɨˉgyʉʉꜙ laˉ.”
6Nʉʉˉ daˊ heˉ kɨˊhoohnˊ, peerꜙ jëën˜ wɨɨꜘ.
Lä̱ä̱ˋ jnäꜘ kihꜗ hi̱ˉ cha̱a̱ˈ kaahˋ kinꜙ,
jëëhꜘ be̱e̱ꜘ gyihꜗ läꜙko̱o̱ˉ jnäꜘ.
7Lä̱ä̱ˋ jnäꜘ jeeˊ hä̱ä̱nˊ jëën˜ chaˉmiihˉ wɨɨꜘ
mahꜗ kwanˋ tiˊhmaahˊ kyahˈ.
Ja̱ˉgaˊ naꜙ dsaˉta̱a̱hˋ hi̱ˉ llu̱u̱ꜗ läꜙkuˊ läꜙji̱i̱ꜗ kinꜙ
waˊraˉ gaꜙläꜙñeyꜙ hneˉ maˉkwahˊ beꜘ kinꜙ.
Currently Selected:
Salmos 142: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
