Salmos 133
133
1¡Heˉ baˊ cheˉ lluꜗ hiꜙ naˊhñaahꜗ laꜗ
maˊ tä̱ä̱hˊ läꜙjë̱ë̱ꜙ ø̱ø̱hꜗ jneˊ ko̱ˉjø̱hꜘ,
kya̱a̱hˊ ko̱o̱ˉ nëëˈ baˊ hʉʉˊdsëˉ!
2Heˉ ja̱ˉ laꜗ läꜙko̱hꜘ naaˋ heˉ hɨɨˉ miˉjwɨɨˉ
heˉ gaꜙhuuyꜗ kaˊlleˊ Aarón,
heˉ gaꜙla̱hꜗ läꜙ gaꜙtëꜘ jñuˉ hooyˊ,
läꜙkye̱ˉ hoˊluuˊ hmɨɨhˉ kiyhꜗ gaꜙläꜙgyʉhꜘ.
3Laꜗ läꜙko̱hꜘ jmɨˉhmooˊ kihˈ mohꜘ Hermón,
heˉ hlaꜙ nëˊ mohꜘ Sión.
Jëëhꜘ, jeeˊ ja̱ˉ baˊ miˉjø̱ø̱ꜗ Dio,
läꜙja̱ˉ jmeeyꜗ cha̱a̱ˉ dsaˉ tä̱ä̱ꜘ.
Currently Selected:
Salmos 133: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
