Salmos 125
125
1Läꜙjë̱ë̱ꜙ hi̱ˉ kye̱ˉ oˉjø̱hꜙ dsëˉ kihꜗ DSAˉJØ̱Ø̱Hˈ jnänˋ
la̱a̱yꜗ läꜙko̱o̱ˉ mohꜘ Sión heˉ chihꜗ ko̱o̱ˉ hwehˉ,
heˉ läꜙ maˉchihꜗ ja̱ˉbaˊ läꜙjëꜙ johꜘ jmɨɨˊ chaˉ.
2Läꜙko̱o̱ˉ tø̱ø̱ꜘ mohꜘ läꜙkuˊ läꜙji̱i̱ꜗ kihꜗ Jerusalén,
ja̱ˉbaˊ läꜙja̱ˉ DSAˉJØ̱Ø̱Hˈ jnänˋ chehꜗ läꜙkuˊ läꜙji̱i̱ꜗ
kihꜗ dsaˉ kya̱a̱yꜗ, jmɨɨˊ naˈ hiꜙ läꜙja̱ˉ läꜙjëꜙ johꜘ jmɨɨˊ chaˉ.
3Saꜙ kwayꜙ jwëˈ jmeeꜗ hi̱ˉ hñaaˉ dsëꜗ hihꜙ ko̱o̱ˉ kyooˉ kihꜗ hi̱ˉ llu̱u̱ꜗ,
waˊraˉ gaꜙløøꜗ hi̱ˉ llu̱u̱ꜗ jmeeꜗ heˉ hlɨɨhˈ.
4DSAˉJØ̱Ø̱Hˈ kya̱a̱nꜙ, waˊ lluˈ hohꜘ kya̱a̱hˊ hi̱ˉ jmeeꜙ heˉ lluꜗ,
hiꜙ läꜙja̱ˉ kihꜗ hi̱ˉ gaꜙnääˊ ko̱o̱ˉ nëëˈ baˊ.
5Pero kya̱a̱hˊ hi̱ˉ gaꜙnääˊ jmeeꜙ heˉ hlɨɨhˈ jmahꜗ,
DSAˉJØ̱Ø̱Hˈ jnänˋ hëëyꜗ goˉte˜ kihꜗ hi̱ˉ heꜘ ko̱ˉjø̱hꜘ kya̱a̱hˊ hi̱ˉ hñaaˉ dsëꜗ.
Waˊ hiiꜘ tiiˊ kyahˈ hnähꜘ dsaˉ Israel.
Currently Selected:
Salmos 125: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
