Salmos 124
124
1Waˊraˉ jähꜘ kihꜗ saꜙ maˊ chehˈ Dio nëˊ jnänˋ,
waˊ jmeenˊ dsooꜘ läꜙjë̱ë̱ꜙ jneˊ dsaˉ Israel,
2waˊraˉ jähꜘ kihꜗ saꜙ maˊ chehˈ Dio nëˊ jnänˋ,
läꜙko̱o̱ˉ maˊ gaꜙte̱e̱ꜗ dsaˉ kya̱a̱hˊ jneˊ,
3maˊ ku̱yhꜙ jneˊ läꜙ maˊ ji̱i̱hꜙ jneˊ ja̱ˉ,
läꜙko̱o̱ˉ maˊ gaꜙläꜙlle̱e̱yꜘ kya̱a̱hˊ jneˊ.
4Maˊ leꜘ jnänˋ läꜙko̱o̱ˉ heˉ maˊ ä̱ä̱ꜘ jneˊ kya̱a̱hˊ jmɨɨˉ täꜘ.
Maˊ leꜘ jnänˋ läꜙko̱o̱ˉ heˉ maˊ hmäähˊ jneˊ goˉte˜ chaˊjmɨɨˉ.
5Maˊ leꜘ jnänˋ läꜙko̱o̱ˉ heˉ maˊ jä̱ä̱ˈ jmɨˉjʉʉhˉ jneˊ.
6¡Heˉ baˊ cheˉ llu̱u̱ꜗ Dio jnänˋ!
Saꜙ gaꜙkwayꜘ jwëˈ
heˉ maˊ jmeeˈ hi̱ˉ hñaaˉ dsëꜗ heꜘ läꜙ tëˉ dsëyꜗ jnänˋ.
7Läꜙko̱o̱ˉ dsaˉlä̱ä̱ꜘ ta̱ˈ kihꜗ läꜘ,
läꜙja̱ˉ gaꜙla̱a̱ꜘ jneˊ jaˊgooˉ dsaˉ heꜘ.
Gaꜙhnaꜘ cheꜘ kiyhꜗ, mahꜗ gaꜙla̱a̱ꜘ jneˊ.
8DSAˉJØ̱Ø̱Hˈ jnänˋ hi̱ˉ gaꜙjmeeꜘ gyʉʉhˈ hwaꜗ baˊ hi̱ˉ lä̱ä̱˜ jneˊ.
Currently Selected:
Salmos 124: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
