Salmos 116
116
1Peerꜙ hnaanꜙ DSAˉJØ̱Ø̱Hˈ kya̱a̱nꜙ,
jëëhꜘ maˉnuuyˉ heˉ maˉchu̱u̱nꜗ kya̱a̱hˊ jnihꜘ.
2Läꜙlluꜗ heˉ maˉhɨɨyꜘ toˉgwayˊ kinꜙ,
heˉja̱ˉ chu̱u̱nꜘ kya̱a̱yhˊ läꜙjëꜙ johꜘ jmɨɨˊ cha̱a̱nˉ.
3Miihˉ gaˊ saꜙ gaꜙju̱u̱nꜗ,
maˉkya̱a̱nˈ jeeˊ ju̱u̱nꜘ baˊ maˊ la̱a̱nꜙ.
Peerꜙ saꜙ manꜙ heˉ jmeenˋ maˊ jëën˜ wɨɨꜘ.
4Ja̱ˉgaˊ gaꜙchu̱u̱nꜗ kya̱a̱hˊ DSAˉJØ̱Ø̱Hˈ kya̱a̱nꜙ,
gaꜙjwɨɨꜗ jnihꜘ:
“Hneˉ DSAˉJØ̱Ø̱Hˈ kya̱a̱nꜙ, lä̱ä̱ˋ jnäꜘ naꜗ ko̱hꜘ.”
5Peerꜙ jø̱hˉ dsëꜗ DSAˉJØ̱Ø̱Hˈ jnänˋ hi̱ˉ llu̱u̱ꜗ goˉte˜.
Peerꜙ dsaˉläˉñihꜘ dsëꜗ Dio jnänˋ.
6DSAˉJØ̱Ø̱Hˈ jnänˋ hä̱ä̱˜ läꜙjë̱ë̱ꜙ hi̱ˉ hwa̱a̱ˊ.
Läꜙko̱o̱ˉ maˊ gyanˊ saꜙ chaˉ beꜘ kinꜙ goˉte˜,
gaꜙlä̱ä̱yꜗ jnäꜘ.
7Heˉja̱ˉ naꜗ te̱e̱hnˊ dsënꜙ,
jëëhꜘ DSAˉJØ̱Ø̱Hˈ jnänˋ gaꜙjmeeyꜘ ko̱o̱ˉ heˉ jʉhˉga̱a̱ˉ kinꜙ.
8Jëëhꜘ, hñiiyꜘ gaꜙlä̱ä̱yꜗ jnäꜘ heˉ maˊ ju̱u̱nꜘ.
Gaꜙmiꜙki̱yhꜘ jmɨɨˉ heˉ maˊ tu̱u̱ˉ mɨˈnënꜙ.
Saꜙ gaꜙkwayꜘ jwëˈ maˊ tä̱hnꜙ.
9Ngooꜗ baˊ jëën˜ jmɨˉgyʉʉꜙ
läꜙko̱o̱ˉ llaꜙ dsëꜗ Dio jmeeꜗ kinꜙ.
10Gaꜙjmeenꜗ dsooꜘ dsënꜙ,
mahꜗ gaꜙhlëëhnˋ jeeˊ gyanˊ jëën˜ chaˉmiihˉ heˉ wɨɨꜘ.
11Läꜙko̱o̱ˉ maˊ saꜙ manꜙ heˉ jmeenˋ, gaꜙjwahnꜗ:
“Peerꜙ taˉju̱u̱ˈ läꜙjë̱ë̱ꜙ dsaˉ jmɨˉgyʉʉꜙ.”
12¿Heeˉ naˉ miˊhmaahnˋ kihˈ DSAˉJØ̱Ø̱Hˈ kya̱a̱nꜙ
kihꜗ läꜙjëꜙ heˉ lluꜗ heˉ maˉjmeeyꜘ kinꜙ?
13Kwëëhꜚ jnihꜘ jmɨhꜗ mɨˈjëhꜗ läꜙlluꜗ heˉ gaꜙlä̱ä̱yꜗ jnäꜘ.
Hiꜙ chu̱u̱nꜚ kya̱a̱yhˊ mahꜗ kwayꜗ beꜘ kinꜙ.
14Miˊtenˋ heˉ gaꜙbä̱ä̱hnˋ hñiinꜙ kwëëhꜚ jnihꜘ
toꜙloꜙnëˊ jeeˊ läꜙjë̱ë̱ꜙ dsaˉ kya̱a̱yꜗ.
15Kihꜗ DSAˉJØ̱Ø̱Hˈ jnänˋ saꜙ laꜗ waˊ heˉ chaˉ heˉ
heˉ ju̱u̱ꜘ ja̱a̱ˉ hi̱ˉ la̱a̱ꜗ kya̱a̱yꜗ.
16DSAˉJØ̱Ø̱Hˈ kya̱a̱nꜙ, maꜙraꜙ juˈdsooꜘ
jnäꜘ la̱a̱nꜗ ja̱a̱ˉ hi̱ˉ jmeeꜙ taˊheꜗ kyahꜗ,
jëëhꜘ maˉlä̱ä̱hˊ jnäꜘ heˉ maˊ jëën˜ wɨɨꜘ.
17Kwanˋ tiˊhmaahˊ kyahˈ llaꜚ heˉ kwë̱ë̱hnꜚ hneˉ jahꜘ.
Chu̱u̱nꜚ kya̱a̱hˊ hneˉ DSAˉJØ̱Ø̱Hˈ kya̱a̱nꜙ,
mahꜗ kwahˈ beꜘ kinꜙ.
18Miˊtenˋ heˉ gaꜙbä̱ä̱hnˋ hñiinꜙ kwëëhꜚ jnihꜘ toꜙloꜙnëˊ jeeˊ läꜙjë̱ë̱ꜙ dsaˉ kya̱a̱yꜗ.
19Läꜙja̱ˉ jmeenˋ hooˊ naˊhiiˋ kihꜗ hneꜗ kihꜗ DSAˉJØ̱Ø̱Hˈ kya̱a̱nꜙ heˉ chihꜗ to̱ꜗdsaahˋ jwɨɨˉ Jerusalén.
Currently Selected:
Salmos 116: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
