TAITO Na i Vakamacala Taumada
Na i Vakamacala Taumada
O Taito e dua na kai matanitu tani ka qai veisau me lotu Vakarisito, ka yaco me dua na i tokani vakacakacaka ka nona i vukevuke o Paula ena nona cakacaka vakaulotu. Na i Vola i Paula vei Taito e volai vua na cauravou dauveivuke oqo mai Kiriti, o koya ka a biu tiko yani mai kea me vakaraica voli na toso ni cakacaka vakalotu. Sa vakabibitaki e tolu na ka ena i vola oqo.
A kena i matai, sa vakananumi tale vei Taito na mataqali i vakarau e kilikili kaya kei ira era veiliutaki ena loma ni lotu, ka vakabibi ni laurai na nodra i tovo ca e vuqa na kai Kiriti. Na kena i karua, sa vakasalataki o Taito ena sala me tuberi ira kina na veiwasewase ni tamata eso ena lotu, o ira na turaga sa qase cake, kei ira na marama sa qase cake (se yalewa uabula, o ira me ra na qai la'ki tuberi ira vakakina na yalewa era gone sobu), o ira na cauravou, kei ira na bobula. Ena kena i tinitini, sa qai vakasalataki Taito o Paula me baleta na i tovo Vakarisito, vakabibi na kena gadrevi na veisaututaki kei na veimaliwai vinaka, ka me tarovi na veicacati, na veileti, kei na tatawasewase ena loma ni lotu.
Na Lewe ni Vola
Na i vakamacala taumada 1.1-4
O ira na vakailesilesi ena Lotu 1.5-16
Na i tavi ni veiwasewase ni tamata ena lotu 2.1-15
Na veivakauqeti kei na i vakasala eso 3.1-11
Na kena i tinitini 3.12-15
Currently Selected:
TAITO Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.