VAKATAKILA 5
5
Na i Vola Vivigi kei na Lami
1 #
Isi 2.9,10; Aisea 29.11 Au a qai raica ena ligana i matau i koya sa dabe tiko ena i tikotiko vakaturaga e dua na i vola vivigi sa volai tu e loma, e dakuna talega, ka sa dregati ena drega e vitu. 2Au a raica talega e dua na agilosi kaukauwa sa kacivaka tiko ena domolevu, “O cei sa ganiti koya me cecega na drega ka tevuka na i vola vivigi?” 3Ia sa sega ga ni kune e dua mai lomalagi, se ena vuravura, se ena ruku i vuravura me tevuka rawa na i vola vivigi ka rai ki loma. 4Au a tagi vakalevu ni sa sega ni kune e dua e ganita me tevuka na i vola vivigi se me rai ki loma. 5#Vteki 49.9; Aisea 11.1,10Sa qai kaya vei au e dua vei ira na qase, “Kakua ni tagi! Raica! O koya na Laione ni yavusa i Juta, na kawa vakaturaga i Tevita, sa rawata o koya na qaqa, ni sa rawa vua me cecega na drega e vitu ka tevuka na i vola vivigi.”
6 #
Aisea 53.7;
Saka 4.10
Au a qai raica e dua na Lami sa duri tu ena lomadonu ni tikotiko vakaturaga, ka sa wavoliti koya na veika bula e va kei ira na qase. Na i rairai ni Lami sa vaka e dua sa vakamatei. E vitu na kena i leu ka vitu na matana, ka oqo ga na yalo ni Kalou e vitu sa talai ki vuravura taucoko. 7Sa qai lako na Lami ka la'ki taura na i vola vivigi mai na liga i matau i koya sa dabe tiko ena i tikotiko vakaturaga. 8#Same 141.2Ni sa kauta yani o koya na i vola vivigi, era sa bale sobu ena vakarokoroko ena mata ni Lami na veika bula e va kei ira na qase e ruasagavulukava. O ira yadua era sa dui taura tiko e dua na api kei na bilo koula eso sa sinai ena ka boi vinaka, o ya na nodra masu na tamata ni Kalou. 9#Same 33.3; 98.1; Aisea 42.10Era sa lagata e dua na sere vou vakaoqo:
“Sa ganiti kemuni mo ni taura na i vola vivigi
Ka cecega na kena drega.
Ni kemuni a vakamatei, ka ni o ni sa volia na tamata ena nomuni dra me ra nona na Kalou
Mai vei ira kecega na veiyavusa, na duivosavosa, na veimataqali tamata, kei na veimatanitu.
10 #
Lako 19.6; Vtaki 1.6 O ni sa vakayacori ira me ra lewe ni matanitu vakabete sa qarava na noda Kalou,
Ka ra na veiliutaki e vuravura.”
11 #
Tani 7.10
Au a qai raica ka rogoca na domodra na agilosi ka kedra i wiliwili sa udolu vakaudolu ka milioni vakamilioni! Era sa vakavolivolita na i tikotiko vakaturaga, na veika bula e va, kei ira na qase, 12Ka ra laga tiko ena domolevu,
“Sa ganita ga na Lami ka sa vakamatei
Me nona na qaqa, na i yau, na yalomatua, na kaukauwa
Na rokovi, na lagilagi, kei na vakacaucau!”
13Au a qai rogoci ira na veika bula kecega mai lomalagi, e dela ni vuravura, ena ruku i vuravura, kei na loma ni wasawasa — a veika kecega sa cegu rawa — ni ra sa seretaka voli,
“Me soli ga vua sa tiko ena i tikotiko vakaturaga kei koya na Lami
Na vakamolimoli kei na vakarokoroko, na kaukauwa kei na lagilagi,
Ka sega ni mudu!”
14E ratou sa qai kaya na veika bula e va, “Emeni!” Era sa qai bale sobu na qase ena vakarokoroko.
Currently Selected:
VAKATAKILA 5: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
