SAME 113
113
Vakacaucautaka na Vinaka i Jiova
1Dou ia vei Jiova na vakavinavinaka!
Dou vakavinavinaka, oi kemudou na dauveiqaravi i Jiova,
Dou laveta cake na yaca i Jiova.
2Me rokovi na yaca i Jiova,
Ena gauna oqo ka sega ni mudu!
3Mai na tokalau me yaco ki na ra
Me vakacerecerei na yaca i Jiova!
4Sa lewa ko Jiova na veimatanitu kecega,
Ka sa sivita na lomalagi na nona lagilagi.
5Sa sega e dua sa tautauvata kei Jiova na noda Kalou,
O koya sa tiko mai cake,
6Ia sa rai sobu mai
Me raica na lomalagi kei na vuravura.
7Sa laveti ira cake mai na dravudravua mai na kuvu ni soso,
Ka vueti ira cake na vakaloloma mai na nodra leqa;
8Me vakatikori ira vata kei ira na luvenitui,
O ira na luvenitui ni nona tamata.
9Sa dokai koya na marama sa sega ni vakaluveni ena nona vale;
Ka vakamarautaki koya ena nona solia me vakaluveni.
Me vakavinavinakataki ga ko Jiova!
Currently Selected:
SAME 113: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
