SAME 110
110
Na Kalou kei na Nona Tui Digitaki
A nei Tevita. A Same.
1A sa kaya ko Jiova vua na noqu Turaga,
“Mo dabe ena yasaqu i matau,
Me yacova ni'u sa vakamalumalumutaki ira kece na kemu meca
ena ruku ni yavamu.” #Maciu 22.44; Mari 12.36; Luke 20.42,43; Caka 2.34,35; 1Kori 15.25; Efe 1.20-22; Kolo 3.1; Ipe 1.13; 8.1; 10.12,13
2Ena vakatetea yani ko Jiova mai Saioni na nomu kaukauwa vakatui,
Ka sa kaya, “Mo lewai ira na kemu meca!
3Era na bole mai na nomuni tamata,
Ena siga o ni sa na vala kina kei ira na kemuni meca.”
4Sa yalataka ko Jiova ka na sega ni vakasuka tale.
“O na bete me tawa mudu,
Ena mata bete i Melekiseteki.” #Ipe 5.6; 6.20; 7.17,21
5Sa tu na Turaga ena yasamu i matau;
Ena vakadrukai ira na tui o koya ena siga sa cudru kina.
6Ena vakatauca na nona lewa ena veimatanitu o koya,
Ka vakasinaita na veirara ni valu ena yago ni mate;
Ena vakadrukai ira na tui ena vuravura taucoko.
7Ena gunu na tui mai na dua na uciwai ena yasa ni gaunisala,
Ena vakaukauwataki ka yaco me qaqa tikoga kina.
Currently Selected:
SAME 110: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
