IPERIU 2

Na Veivakabulai Levu

1O koya oqo sa dodonu kina me da vakasamataka sara vakabibi na veika eda sa rogoca oti, me da kakua kina ni lako sese. 2Sa vakatakilai ni sa dina taucoko na i tukutuku era a kacivaka na agilosi vei ira na noda qase, ka ra ciqoma kina na kedra i totogi o ira era a sega ni muria se talairawarawa kina. 3Eda na qai bula rawa li vakacava kevaka eda sa vakawaletaka na veivakabulai levu oqo? E a tukuna taumada na veivakabulai oqo na Turaga, ka ra sa vakadinadinataka mai vei keda o ira era a rogoci koya. 4E salavata oqo kei na nona vakadinadinataka na Kalou na dina ni veitukutuku oqo ena nona cakava na veivakatakilakila eso kei na cakacaka mana, ka sa veivotayaka talega na i solisoli ni Yalo Tabu, me vaka na lomana.

O Koya sa Veiliutaki ki na Bula

5Sa sega ni lesi ira na agilosi na Kalou me ra lewa na vuravura vou ena muri mai — na vuravura keitou sa tukuna tiko. 6#Same 8.4-6Ia sa vakaraitaki ga vakaoqo ena dua na tiki ni Vola Tabu:

“A cava na tamata, kemuni na Kalou, mo ni nanumi ira kina;

Na tamata sa bula vakaiyalayala ga, mo ni kauwaitaki ira kina?

7O ni sa buli ira me ra lolovira vakalailai sobu mai vei ira na agilosi;

O ni sa vakaisalataki ira ena lagilagi kei na vakarokoroko,

8Ka lesi ira me ra lewa na veika kecega.”

Oqo e okati kina na veika kece sara. Ia eda sa sega ga ni raica edaidai ni ra sa lewa na veika kecega na tamata. 9Ia eda sa raici Jisu ga, o koya ka a vakalolovirataki sobu vei ira na agilosi ena dua na gauna lekaleka, me yaco rawa kina ena lolomasavu ni Kalou me mate ena vuku ni tamata kecega. Eda sa qai raici koya oqo ni sa vakaisalataki ena lagilagi kei na vakarokoroko ena vuku ni mate ka sa vosota oti na kena rarawa. 10Ni sa dodonu ga vua na Kalou, o koya sa bulia ka maroroya na veika kecega, me vakayacori Jisu me vakataucokotaki sara mai na veika rarawa, me rawa ni kauti ira mai kina e vuqa na luvena me ra vakaivotavota ena nona lagilagi. Ni sai Jisu ga sa liutaki ira ki na bula.

11A sa vakasavasavataki ira na tamata mai na nodra i valavala ca o koya, ka sa dua vata ga na Tamadra o ira sa vakasavasavataki kei koya sa veivakasavasavataki. Oqori na vuna sa sega kina ni madua ko Jisu me vakatokai ira me ra tacina. 12#Same 22.22Ni sa kaya vua na Kalou:

“Au na tukuna na veika o ni sa cakava vei ira na wekaqu;

Ka'u na vakacaucautaki kemuni ena kedra maliwa.”

13 # Aisea 8.17 (LXX); Aisea 8.18 A sa kaya tale,

“Au na vakararavi vua na noqu Kalou.”

Sa qai kaya talega,

“Sa i au oqo kei ira na gone sa solia vei au na Kalou.”

14Ia me vaka ni ra sa vakalewe ka vakadra o ira na gone, a sa yaco me vakataki ira talega ko Jisu ka me vakaivotavota ena nodra i tovo vakatamata. A sa kitaka oqo ka la'ki yacova sara na nona mate me vakamalumalumutaki koya rawa kina na tevoro, o koya sa lewa na mate, 15ka me sereki ira talega era sa bobula tu ena nodra bula taucoko ena vuku ni nodra rerevaka na mate. 16#Aisea 41.8,9Ni sa matata vinaka ni sega ni mai vukei ira na agilosi o koya, o ira ga na kawa i Epara-ama. 17Sa i koya oqo sa kilikili kina kei koya me yaco me vakataki ira sara na wekana ena ka kecega, me yaco rawa kina me nodra Bete Levu sa dauloloma ka yalodina ena cakacaka ni Kalou; me vosoti kina na nodra i valavala ca na tamata. 18Me vaka ni a dau veretaki ka vakararawataki o koya, sa rawa vua edaidai me vukei ira era sa dauveretaki ka vakararawataki.

Currently Selected:

IPERIU 2: FNV

Highlight

Copy