IPERIU 10
10
Sa Sorovaki Vakadua ga me Baleta na Tamata Kecega ko Karisito
1Me vaka ni sa tu ena Lawa na i yaloyalo walega ni veika vinaka era na muri mai ka sega ni vatukana dina, ena sega sara kina ni rawata me vakasavasavataki ira era sa gole vua na Kalou me ra vinaka sara mai na i soro vata ga sa dau vakacabori ena veiyabaki. 2Kevaka sa vakakina, e sega li ni sa na muduki na kedra vakacabori tiko na i soro? Kevaka era a sa vakasavasavataki vakadua o ira ka vakacaboisoro vua na Kalou, ke ra sa na sega ni vakila tale ni ora tiko na lomadra ena i valavala ca. 3Ia ena i soro kece o ya, sa dau vakananumi tale kina vei ira na tamata na nodra i valavala ca ena veiyabaki. 4Ni sa dredre sara me kauta laivi na i valavala ca na dra ni bulumakau kei na me.
5 #
Same 40.6-8 (LXX) O koya oqo, ni sa vakarau lako mai ki vuravura ko Karisito, a sa kaya kina vua na Kalou:
“Ai soro kei na i madrali o ni sa sega ni vinakata,
Ia o ni sa vakarautaka ga vei au e dua na yago.
6O ni sa sega ni taleitaka na manumanu taucoko sa sorovaki ena i cabocabonisoro
Se i madrali me kauta tani na i valavala ca.
7Au sa qai kaya, ‘Oi au oqo,
Me'u vakayacora na lomamuni, kemuni na Kalou,
Me vaka sa volai tu ena i vola vivigi ena vukuqu.’ ”
8Sa kaya taumada eliu o koya, “O ni sa sega ni gadreva se taleitaka na i soro kei na i madrali, se na manumanu sa soravaki ena i cabocabonisoro kei na i soro ni valavala ca.” A sa tukuna oqo ka dina ga ni ra sa dau vakacabori na veika oqo me vaka na ka sa virikotori ena Lawa. 9A sa qai kaya, “Oi au oqo, kemuni na Kalou, me'u vakayacora na lomamuni.” A sa biuta tani kina na Kalou na veisoro makawa ka sa ciqoma na i soro sa cakava na Karisito me kena i sosomi. 10Ni sa vakayacora ko Karisito na ka e vinakata na Kalou, eda sa vakasavasavataki kece kina mai na noda i valavala ca ena vuku ni nona solia na yagona me i soro sa cabori vakadua ga me baleta na tamata kecega.
11 #
Lako 29.38
O ira vakayadua na bete vaka-Jiu era sa dau qarava na nodra i tavi ena veisiga ka vakacabora na i soro vata ga ena vuqa na gauna; ia na i soro kece oqo sa sega ni kauta tani rawa na i valavala ca. 12#Same 110.1Ia ko Karisito sa vakacabora e duabulu ga na i soro ni valavala ca, ai soro ka sa mana tikoga ka sega ni vakaiyalayala, ka sa qai tiko sobu ena liga i matau ni Kalou. 13A sa wawa tiko maikea o koya me yacova na gauna sa vakatikori ira kina na nona meca na Kalou me ra i tutu ni yavana. 14Mai na duabulu ga na i soro, a sa vakayacori ira kina o koya me ra vinaka sara ka tawamudu o ira sa vakasavasavataki mai na i valavala ca.
15A sa vakadinadinataka talega vei keda na ka oqo na Yalo Tabu, ni sa kaya:
16 #
Jere 31.33
“Oqo na veiyalayalati ka'u na vakayacora kei ira
Ni sa oti na gauna o ya, sa kaya na Turaga:
Au na biuta ki na vu-ni-yalodra na noqu lawa,
Ka vola ena lomadra.”
17 #
Jere 31.34
Sa qai vakuria tale ka kaya:
“Au sa na sega ni nanuma tale na nodra i valavala ca kei na nodra talaidredre.”
18O koya oqo, ni gauna sa bokoci kina na nodra i valavala ca oqo, sa sega tale ni qai gadrevi e dua tale na i soro ni valavala ca.
Me Da Toro Voleka Vua na Kalou
19Ena ka oqo, kemuni na wekaqu, sa tu kina vei keda na galala kei na doudou me da curu yani ki na Tikina Tabu Sara ena vuku ni mate i Jisu. 20Sa dolava vei keda o koya e dua na sala vou ka bula mai na kena lako curumi na i latilati, o ya na yagona ga vakai koya. 21Me vaka ni sa tiko kei keda na bete cecere sa vakataulewa ena vale ni Kalou, 22#Vsoro 8.30; Isi 36.25me da toro voleka yani kina vua na Kalou ena yalodina kei na vakabauta sa tudei, kei na lomada sa vakasavasavataki mai na veivakanananu cala kei na yagoda sa savai ena wai savasava. 23Me da taura matua na i nuinui eda sa vakatusa tiko, ni sa yalodina o koya sa vosa ni yalayala. 24Me da ia na veinanumi kei na veivukei, ka me vakatakilai kina na veilomani kei na cakacaka vinaka. 25Me da kakua ni weletaka na vakasoqoni vata, me vaka sa nodra i vakarau tiko eso. Ia me da veivakayaloqaqataki ga vakalevu, ni dou sa raica ni sa roro voleka tikoga mai na Siga ni Turaga.
26Sa sega tale ni qai dua na i soro me na kauta tani na i valavala ca kevaka eda sa nakita me da ia tikoga na i valavala ca ni sa tukuni oti vei keda na ka dina. 27#Aisea 26.11 (LXX)Ia na ka walega e sa qai vo sai koya me da waraka ena rere na siga ni veilewai kei na bukawaqa rerevaki me vakarusai ira era sa veivorati kei na Kalou! 28#Vrua 17.6; 19.15O koya vakayadua sa talaidredre ki na Lawa i Mosese sa vakamatei ga, ka sega na yaloveivosoti, kevaka sa vakadinadinataka na nona cala e lewe rua se lewe tolu na i vakadinadina. 29#Lako 24.8Sa na qai wacava na ka ena yaco vua na tamata sa buturaka sobu na Luve ni Kalou? o koya sa sega ni doka na dra ni nona veiyalayalati na Kalou ka sa vakasavasavataki kina na nona i valavala ca? o koya sa beca na Yalo ni lolomasavu? Mo vakasamataka mada na kena bibi cake sara na nodra i totogi o ira oqo! 30#Vrua 32.35; Vrua 32.36Ni da sa kilai koya sa kaya “Au na qai sausaumi lesu, ka totogitaki ira.” A sa kaya talega o koya, “Ena qai lewai ira na nona tamata na Turaga.” 31Sa dua na ka vakadomobula me da lutu ki na liga ni Kalou bula!
32Ni vakananuma mada na veisiga eliu, ena nomuni sa vakararamataki oti ka sota kaya e vuqa na veika rarawa, ia o ni a sega ga ni vakamalumalumutaki kina. 33O ni a vakalialiai ka vakararawataki ena matanavotu ena gauna eso, ka so tale na gauna o ni a vakarau tu mo ni tokoni ira era sa sotava na draki ni bula mosimosi me vaka o ya. 34O ni a veitokoni ena veika rarawa era curuma o ira era vesu tu, ka vosota ga ena reki na kena tauri vakaukauwa na veika o ni taukena, baleta ni o ni sa kila ni se nomuni tikoga e dua na i yau sa uasivi cake, ka sa sega ni rusa rawa. 35O koya oqo, mo ni kakua ni biuta tani na nomuni yalodei, ni sa ka levu na kena i sau. 36Sa yaga me tiko vei kemuni na yalo ni vosota, mo ni kitaka rawa kina na loma ni Kalou ka taukena na ka sa yalataki. 37#Ipe 2.3,4 (LXX)Me vaka sa kaya na i Vola Tabu:
“Ena sega soti ni dede,
Ena qai lako mai o koya sa lako tiko mai;
Ena sega sara ni vakaberabera.
38Ia o ira na noqu tamata yalododonu era na vakabauta ka bula;
Ia kevaka e dua sa suka lesu tale ki muri,
Ena sega sara ni taleitaki koya na yaloqu.”
39Eda sa sega ni tamata dauvuki lesu ka yali tu vakatawamacala. Ia, eda sa tiko maliwai ira ga era sa vakabauta ka ra sa vakabulai.
Currently Selected:
IPERIU 10: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
