LAKO YANI Na i Vakamacala Taumada
Na i Vakamacala Taumada
Na Lako Yani e volai kina na ka bibi duadua ka yaco ena nodra i volatukutuku na Isireli, o ya na nodra lako yani mai Ijipita, na vanua era a tiko vakabobula kina. Na i vola oqo e rawa ni wasei vakava: (1) Na nodra sereki na Isireli mai na veivakabobulataki; (2) Na nodra i lakolako ki na Ulunivanua o Saineai; (3) Na nona veiyalayalati na Kalou kei ira na tamata mai Saineai ka soli kina na i vunau e tini kei na so tale na lawa ni bula e veisiga; (4) Na kena tara kei na ukutaki ni vanua ni nodra sokalou na Isireli, vata kei na lawa me baleti ira na bete kei na i vakarau ni sokalou.
Na usutu levu ni i vola oqo me dusia na veika sa vakayacora na Kalou. Oqori na nona sereki ira na nona tamata ko Jiova mai na i vesu ni veivakalolomataki ka qai buli ira vou me dua na matanitu e tiko na nona i nuinui ena veisiga ni mataka.
Na tamata ka volai vakalevu na yacana ena i vola oqo o Mosese, o koya ka digitaka na Kalou me liutaki ira na nona tamata mai Ijipita. Na tiki ni vola e kilai vakalevu kina sai koya na Vunau e Tini ena Wase 20.
Na Lewe ni Vola
Sereki mai Ijipita o ira na Isireli 1.1—15.21
a. Na tiko vakabobula mai Ijipita 1.1-22
b. Sucu kei na susugi nei Mosese 2.1—4.31
c. Rau vosa vei tui Ijipita o Mosese kei Eroni 5.1—11.10
d. Na Lakosivia kei na biubiu mai Ijipita 12.1—15.21
Mai na Wasa Damudamu ki Saineai 15.22—18.27
Na Lawa [Vunau] kei na Veiyalayalati 19.1—24.18
Na vale tabu kei na i Vakaro ni sokalou 25.1—40.38
Currently Selected:
LAKO YANI Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.