VAKARUA Na i Vakamacala Taumada
Na i Vakamacala Taumada
A vakarautaki na i vola Na i Vakarua me volai kina na veivosa bibi eso ka tauca o Mosese vei ira na Isireli mai Moapi, na vanua era mai cegu koto kina ena nodra i lakolako balavu ni bera ni ra qai curuma yani ka taukena na vanua yalataki.
E vakaoqo na veika bibi eso ka volai kina: (1) Na nona taleva lesu o Mosese na veika lelevu a yaco ena vasagavulu na yabaki sa oti. A vakamasuti ira na tamata me ra dau nanuma na veika a vakayacora oti vei ira na Kalou ena loma ni vanua lala se dravuisiga, ka kerea me ra yalodina ka talairawarawa tikoga vua na Kalou. (2) A taleva lesu na Vunau e Tini o Mosese, ka vakabibitaka na i Matai ni Vunau; sa kerei ira na tamata me ra qaravi Jiova duadua ga. Sa taleva lesu talega na i vakaro eso me ra la'ki taurivaka ena vanua yalataki. (3) A tataunaka vei ira na tamata o Mosese na nodra veiyalayalati kei na Kalou; a kerea me ra vakabulabulataka na nodra i tavi kei na kena i colacola. (4) A lesi o Josua me na qai liutaki ira na tamata ni Kalou. A mate mai Moapi o Mosese, ena tokalau ni Joritani, ni sa vakacaucautaka oti na yalodina ni Kalou, ka vosa vakalougatataki ira na kawa i Isireli.
A vakabibitaki eke na nona vakabulai ira na nona tamata digitaki na Kalou, ka vakalougatataki ira talega, ni sa lomani ira vakalevu. Sa dodonu me ra nanuma tiko oqori na nona tamata; io me ra lomani koya ka talairawarawa vua, me ra bula kalougata tikoga kina.
Na tikina koula na 6.4-6; e tiko kina na vosa a vakatoka ko Jisu me Vunau Levu duadua: “Mo ni lomani Jiova na nomuni Kalou ena lomamuni taucoko, kei na yalomuni taucoko kei na nomuni kaukauwa taucoko.”
Na Lewe ni Vola
Ai matai ni vunau i Mosese 1.1—4.49
A i karua ni vunau i Mosese 5.1—26.19
a. Na vunau e tini 5.1—10.22
b. Na lawa, lewa kei na i vakasala 11.1—26.19
Na i vakaro ni nodra curu ki Kenani 27.1—28.68
Na vakavoui ni veiyalayalati 29.1—30.20
Na i otioti ni vosa i Mosese 31.1—33.29
Na mate i Mosese 34.1-12
Currently Selected:
VAKARUA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.